وتىرىس بارىسىندا «Kazakh Invest» ۇك» اق-نىڭ 2018 جىلعا ارنالعان جۇمىس جوسپارى قارالدى, سونداي-اق «ۇلتتىق ينۆەستيتسيالىق ستراتەگيا» باعدارلاماسى اياسىندا ينۆەستورلاردى تارتۋ بويىنشا كومپانيانىڭ قىزمەتىن جەتىلدىرۋ ماسەلەلەرى تالقىلاندى.
مەملەكەت باسشىسىنىڭ اقش, ءباا, جاپونيا, وڭتۇستىك كورەيا, قىتاي, تۇركيا جانە باسقا ەلدەرگە ساپارلارىنىڭ قورىتىندىسى بويىنشا قول جەتكىزىلگەن كەلىسىمدەردى ىسكە اسىرۋعا باسىمدىق بەرىلەدى.
وسى ماقساتتا «Kazakh Invest» ۇك» اق كومپانيانىڭ بەس باسىمدىقتى ەلدە قاتىسۋىن كۇشەيتەدى: اقش, قىتاي, گەرمانيا, فرانتسيا جانە تۇركيا, وندا شەتەل ينۆەستيتسيالارىن تارتۋدا كوپجىلدىق تاجىريبەسى جانە باراتىن ەلدەردەگى بيزنەس قاۋىمداستىقتارمەن تىعىز بايلانىستارى بار اتاقتى بيزنەسمەندەر جۇمىسقا تارتىلعان.
سونىمەن قاتار, قازاقستاننىڭ ينۆەستيتسيالىق احۋالىن ودان ءارى جاقسارتۋ ءۇشىن ەلدىڭ ينۆەستيتسيالىق احۋالىنا قاناعاتتانۋ دەڭگەيىنە مونيتورينگ جۇرگىزۋ جانە ونى جەتىلدىرۋ بويىنشا ۇسىنىستار جاساۋ جۇيەسى قالىپتاستىرىلدى.
بۇدان وزگە, وتىرىسقا قاتىسۋشىلار ۇيىمداستىرۋشىلىق سيپاتتاعى بىرقاتار ماسەلەلەردى تالقىلادى. كومپانيا قۇرىلىمىن وڭتايلاندىرۋ تۋرالى شەشىم قابىلداندى – باسقارۋشى قۇرامنىڭ سانى 2 ەسەدەن اسا قىسقاردى, دەپارتامەنتتەردىڭ سانى 2 ەسەگە ازايدى, «Kazakh Invest» ۇك» اق شتاتىنىڭ جالپى سانى 10%-عا ازايدى.
