ولاردىڭ ىشىندە قولدانىستاعى زاڭدى بەلدەن باسىپ جۇرەتىندەر دە بار. جاقىندا وبلىستىق كوشى-قون پوليتسياسى جىلىوي اۋدانىنا تەكسەرۋ جۇرگىزىپ, قازاقستان اۋماعىندا زاڭسىز جۇمىس ىستەگەن 31 وزبەكستاندىق ازاماتتى انىقتادى. ولار تەنىز كەن ورنىنا قىزمەت كورسەتەتىن جەكە كاسىپكەرلەردە ەڭبەك ەتىپ جۇرگەن.
وبلىستىق ىشكى ىستەر دەپارتامەنتىنىڭ ءباسپاسوز حاتشىسى نازىمگۇل قايساعاليەۆا: «وزبەكستان ازاماتتارىنا قاتىستى قر اقتك-ءنىڭ 517 باپتىڭ 5 بولىگى بويىنشا (شەتەلدiكتiڭ نەمەسە ازاماتتىعى جوق ادامنىڭ جۇزەگە اسىراتىن قىزمەتى ۆيزادا جانە (نەمەسە) تىركەۋ كەزىندە كوشى-قون كارتوچكاسىندا كورسەتىلگەن ماقساتتارعا سايكەس بولماۋىنان كورىنگەن, قازاقستان رەسپۋبليكاسىنىڭ حالىقتىڭ كوشى-قونى) حاتتاما تولتىرىلدى. ال ولاردىڭ جۇمىس بەرۋشىلەرى قر اقتك-ءنىڭ 518-بابى (شەتەلدiكتەردى جانە ازاماتتىعى جوق ادامداردى قابىلدايتىن جەكە نەمەسە زاڭدى تۇلعالاردىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) جانە 519-باپتارى (شەتەلدiك جۇمىس كۇشiن جانە ەڭبەكشi كوشiپ كەلۋشىلەردى قازاقستان رەسپۋبليكاسىنىڭ زاڭناماسىن بۇزا وتىرىپ تارتۋ) بويىنشا جاۋاپقا تارتىلدى», - دەيدى.
مۇنايلى مەكەنگە شەتەلدىكتەردىڭ شەكتەن تىس قىزىعۋشىلىعى بارىن اتىراۋ قالاسىنىڭ اكىمى سەرىك شاپكەنوۆ تە جاسىرمادى. حالىققا ەسەپ بەرۋ جيىنىندا شاھار باسشىسى: «وتكەن جىلى قالا اۋماعىنا 108 مىڭنان استام وزبەكستان ازاماتى كىرگەن بولسا, ونىڭ 41 مىڭى وسىندا جۇمىس ىستەۋگە ءوتىنىش بىلدىرگەن. قازىردىڭ وزىندە 100-دەن استام ادام تۇرعىلىقتى تۇرۋعا نيەتتى ەكەندەرىن ايتسا, 200 ادام قازاقستان رەسپۋبليكاسىنىڭ ازاماتتىعىن الۋعا ءوتىنىش بەرىپ وتىر», - دەدى.
جەرگىلىكتى جاستاردىڭ قارا جۇمىسقا ق ۇلىقسىزدىعىن وسى ەڭبەك ميگرانتتارىنىڭ ەلىمىزگە كوپ كەلۋىمەن دە بايلانىستىرۋعا بولاتىن سىندى. ويتكەنى, اتىراۋ ايماعىنا ەڭبەك كۆوتاسىمەن كەلگەن وزبەكستاندىق ازاماتتاردىڭ دەنى شارۋا قوجالىقتارىندا قارا جۇمىس ىستەپ ءجۇر. ال اتىراۋلىق جاستار جالاقىسى كوپ مۇناي كومپانيالارىنا عانا بارعىلارى كەلەدى, اۋىلعا بارىپ مال باققاننان قالادا ءبىر مەكەمەنىڭ ەسىگىن كۇزەتكەندى ءجون كورەدى.
جيىندا وتكەن جىلى قالا بويىنشا 16 036 جاڭا جۇمىس ورنى اشىلىپ, 1203 ادام اقىلى قوعامدىق جۇمىسقا, 520 ادام جاستار تاجىريبەسىنە تارتىلعانى دا ايتىلدى. «قازىر ەڭبەك ەتەمىن دەگەن ادامعا تولىق جاعداي جاسالعان. جۇمىس ىستەيمىن دەگەن كىسىگە, جۇمىس بار»,- دەپ سەنىمدى سويلەدى سەرىك شاپكەنوۆ. رەسمي ستاتيستيكاعا سۇيەنسەك بۇگىنگى كۇنى وبلىس حالقىنىڭ 4,9 پايىزى جۇمىسسىز.
باقىتگۇل باباش,
«ەگەمەن قازاقستان».
اتىراۋ.
