«كاسپي ماڭى مەملەكەتتەرى ءسامميتى كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانى قابىلداۋعا بايلانىستى بولىپ وتىر. ول - قازاقستان, ازەربايجان, رەسەي, تۇرىكمەنستان, يران اراسىنداعى بەسجاقتى قۇجات. ءبىز سىرتقى ىستەر مينيسترلەرىنىڭ وتكەن جىلدىڭ جەلتوقسانىندا ماسكەۋدە وتكەن كەڭەسىندە وسى كونۆەنتسيانىڭ الدىن الا ءماتىنىن كەلىسىپ العان بولاتىنبىز. قازىر تەحنيكالىق جۇمىس تۋرالى ءسوز قوزعالىپ وتىر», - دەدى مينيستر پارلامەنت سەناتىنىڭ وتىرىسىنان كەيىنگى تىلشىلەرگە بەرگەن سۇحباتىندا.
ونىڭ ايتۋىنشا, قازىرگى ۋاقىتتا بارلىق تاراپ بويىنشا مەملەكەتىشىلىك پروتسەدۋرالار اياقتالۋعا جاقىن. سودان كەيىن ءسامميتتىڭ ناقتى قاي ۋاقىتتا بولاتىنى جاريالانادى. «بىراق, بۇل پروتسەۋدارالار ايتارلىقتاي ۋاقىتقا, بىرنەشە ايعا سوزىلۋى مۇمكىن. سوندىقتان, سامميت تۋرالى ايتار بولساق, وسى جىلدىڭ ەكىنشى جارتىسى تۋرالى ءسوز قوزعاۋىمىز كەرەك», - دەدى ول.
بۇدان بۇرىن «كاسپي بەستىگىنىڭ» - رەسەي, ازەربايجان, يران, قازاقستان مەن تۇرىكمەنستان ەلدەرىنىڭ سىرتقى ىستەر مينيسترلەرى ماسكەۋدە كەزدەسىپ, كاسپي تەڭىزىنە قۇقىقتىق مارتەبە بەرۋ ماسەلەسىن تالقىلاعان بولاتىن.
