ە.باۋداربەك-قوجاتاەۆ قازاقستاننىڭ عارىشتىق جوبالارىنىڭ ىسكە اسىرىلۋى, اتاپ ايتقاندا, جيىنتىقتاۋشى سپۋتنيكتەردى جوبالاۋعا, جاساۋعا, قۇراستىرۋعا جانە سىناۋعا ارنالعان تەحنولوگيالىق جانە وندىرىستىك بازا بولاتىن عارىش اپپاراتتارىنىڭ قۇراستىرۋ-سىناۋ كەشەنىن سالۋ تۋرالى حاباردار ەتتى.
ن.وكۋمۋرا قازاقستان ۇلتتىق اەروعارىش اگەنتتىگى مەن جازا اراسىنداعى ءوزارا ىنتىماقتاستىقتىڭ جاڭا ساپالى دەڭگەيگە شىققاندىعى جونىندە ايتتى.
سۇحباتتاسۋشىلار 2010 جىلى قاڭتاردا قازاقستان ۇلتتىق اەروعارىش اگەنتتىگى مەن جازا اراسىندا قول قويىلعان عارىش كەڭىستىگىن بەيبىت ماقساتتاردا زەرتتەۋ جانە پايدالانۋ سالاسىنداعى ىنتىماقتاستىق تۋرالى كەلىسىمدى ودان ءارى ىسكە اسىرۋدىڭ ماڭىزدىلىعى تۋرالى اتاپ كورسەتتى.
ەلشى جاپونيانىڭ تسيفرلى تەحنولوگيالارداعى الدىڭعى قاتارلى ۇستانىمدارىن ەسكەرە وتىرىپ, قازاقستان ءۇشىن وتە ماڭىزدى بولىپ تابىلاتىن ءوزارا پايدالى ىنتىماقتاستىقتى دامىتۋعا وسى كەلىسىمنىڭ قۇقىقتىق نەگىز جاساعانىن ايتىپ ءوتتى. بۇل تۇرعىدا جازا وكىلدەرى پرەزيدەنتى نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا ارنالعان جولداۋىنىڭ نەگىزگى باسىمدىقتارىمەن جانە قازاقستانداعى يننوۆاتسيالىق تەحنولوگيالاردىڭ ەنگىزىلۋىمەن تانىستىرىلدى.
بۇعان قوسا, قازاقستاندىق ەلشى جاپونيا وكىلىن 2018 جىلعى 23-26 مامىردا استانادا وتەتىن «KADEX-2018» حالىقارالىق كورمەسىنە قاتىسۋعا شاقىردى.
جازا توراعاسى قازاقستاننىڭ حالىقارالىق عارىش ستانساسىندا جۇمىس ىستەيتىن جاپونيالىق عارىشكەرلەردىڭ ۇشىپ كەتۋ مەن قاۋىپسىز قونۋ ورنى بولىپ تابىلاتىندىعىن ريزاشىلىقپەن اتاپ ءوتتى. ونىڭ ايتۋىنشا, قازىرگى ۋاقىتتا جاپون حالقى وزدەرىنىڭ كەزەكتى عارىشكەرى نوريسيگە كانايدىڭ وسى جىلى ماۋسىمدا قازاقستان جەرىنە قايتىپ كەلۋىن كۇتۋدە.
ن.وكۋمۋرا الداعى ناۋرىزدا توكيو قالاسىندا وتەتىن عارىشتىق زەرتتەۋلەر جونىندەگى 2-ءشى حالىقارالىق فورۋمعا قازاقستاندىق دەلەگاتسيانىڭ جوعارى دەڭگەيدە قاتىساتىندىعىنا ءۇمىت ارتىپ وتىرعاندىعىن جەتكىزدى.
ن.وكۋمۋرا ەلىمىزدىڭ قول جەتكىزگەن جەتىستىكتەرىن جوعارى باعالاپ, اەروعارىش سالاسىنداعى باسىم باعىتتاردا قازاقستانمەن نەعۇرلىم تىعىز ىنتىماقتاسۋعا مۇددەلى ەكەندىگىن ءبىلدىردى.
«ەگەمەن-اقپارات»
