جەرگىلىكتى پوليتسياسى بۇل قاندى وقيعاعا بۇرىن وسى مەكتەپتە وقىپ, الايدا بەلگىلى سەبەپتەرگە بايلانىستى وقۋدان شىعارىلعان 19 جاستاعى نيكولاس كرۋز كىنالى دەپ تانىپ وتىر. اتىس كەزىندە مەكتەپ وقۋشىلارى پوليتسيا قىزمەتكەرلەرى كەلگەندە ءار جەرگە تىعىلۋعا ءماجبۇر بولعان.
بۇنداي مەكتەپ وقۋشىلارىنىڭ ءومىرىن قيعان قايعىلى وقيعا 2012 جىلى كوننەكتيكۋت شتاتىنىڭ جەرگىلىكتى مەكتەبىندە بولعان. وقيعا كەزىندە 26 ادام قازا تاپقان بولاتىن.
بروۋارد وكرۋگى پوليتسياسىنىڭ باسشىسى سكوتت يزرايل جۋرناليستەرگە كرۋزدىڭ ءۇش ادامدى مەكتەپ سىرتىندا اتىپ, سودان سوڭ مەكتەپكە كىرمەس بۇرىن 12 ادامدى اتىپ تاستاعانىن حابارلادى. زارداپ شەككەن 2 ادام اۋرۋحانادا كوز جۇمدى. كەيىنىرەك ول «بۇل وتە قيىن جاعداي, ءتىپتى ايتارعا ءسوزىم جوق», - دەپ ءوزىنىڭ الەۋمەتتىك جەلىسىندە جازدى.
بروۋارد وكرۋگى اۋرۋحاناسىنىڭ دارىگەرى ەۆان بوياردىڭ ايتۋىنشا بارلىعى 17 ادام اۋرۋحاناعا جەتكىزىلگەن. ونىڭ ىشىندە ايىپتالۋشى نيكولاس كرۋز بولعان. 3 ادامنىڭ جاعدايى وتە اۋىر, ال 3 ادامنىڭ جاعدايى وتە قاۋىپتى.
قازىر وقيعانىڭ ءمان جايى انىقتالىپ جاتىر.
