ودان بولەك, كەلىسسوزدەردىڭ ناتيجەسىندە 2017 جىلى رەسەي فەدەراتسياسىنىڭ جالداۋىنان شاعىن جانە ورتا كاسىپكەرلىكتى دامىتۋ ءۇشىن 11,6 مىڭ گەكتار جەر قايتارىلىپ الىنعان. قازىر رەسەي تاراپىمەن جالداۋدان 3,4 مىڭ گەكتار جەردى الۋعا كەلىسسوزدەر جۇرگىزىلىپ جاتىر.
بايقوڭىر قالاسىن گازداندىرۋ, 5 كوپپاتەرلى تۇرعىن ءۇي قۇرىلىسى, اۋىز سۋمەن جابدىقتاۋ جانە جالپى سۋ جۇيەسىن جاڭعىرتۋ جۇمىستارى باستالدى.
ءسوز سوڭىندا قىرىمبەك كوشەرباەۆ, «ەلباسى ن.ءا.نازارباەۆ ءوز جولداۋىندا بارلىق سالالاردا وزىق اقپاراتتىق-تەحنولوگيالاردى قارقىندى تۇردە ەنگىزۋ مىندەتىن قويعان بولاتىن»,- دەپ اتاپ ءوتتى.
«بۇگىندە مەملەكەتتىڭ دە, بيزنەستىڭ دە بارلىق رەسۋرستارى دامۋدىڭ ستراتەگيالىق ماقساتتارىنا جەتەلەۋى قاجەت. قىزىلوردا وبلىسى «قازاقستاننىڭ اۋقىمدى دامۋىنا», ءوزىنىڭ بارلىق تابيعي جانە ادامي رەسۋرستارىمەن ەلدىڭ ەكونوميكالىق دامۋى مەن حالىقتىڭ ءومىر ساپاسىنىڭ ارتۋىنا دا اتسالىسۋى كەرەك», - دەدى وبلىس اكىمى.
