2018 جىلعى 13 اقپاندا «نۇر وتان» پارتياسى ساياسي كەڭەسىنىڭ بيۋرو قاۋلىسىمەن تاعايىندالعان پارلامەنت ءماجىلىسىنىڭ دەپۋتاتىن تىركەۋ جونىندەگى قر ورتالىق سايلاۋ كوميسسياسىنىڭ وتىرىسى ءوتتى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتى مىڭباي دارحان قامزابەك ۇلىن تىركەۋ جونىندەگى قر وسك قاۋلىسى قابىلداندى.
د. مىڭبايعا قر پارلامەنتى ءماجىلىسىنىڭ دەپۋتاتىنىڭ كۋالىگى مەن توسبەلگىسى تابىستالدى.
«قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى» تۋرالى كونستيتۋتسيالىق زاڭعا سايكەس سايلانعان دەپۋتات تىركەۋدەن وتكەن سوڭ ءوز وكىلەتتىگىنە كىرىسەدى.
