مىسالى, شىمكەنت قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىندەگى كىتاپحانادا ۇلتتىق كيىمدەگى كىشكەنتاي قۋىرشاقتىڭ قىزمەتىن پايدالانا الاسىز. ءۇش تىلدە ەركىن سويلەيتىن ول كىتاپحانا سورەسىندە تۇرعان شىعارمالار جونىندە بارلىق ماعلۇماتتى بىلەدى. قۋىرشاقتى «سويلەتكەن» 9-سىنىپ وقۋشىسى ءاليا ەلشىباي بۇل جوبانى «Arduino كەرەمەتتەرى» اتتى تاقىرىپتا وتكەن مەكتەپىشىلىك شارادا كوپشىلىك نازارىنا ۇسىنعان. مەكتەپ كىتاپحاناشىلارىنىڭ جۇمىسىن جەڭىلدەتەتىن روبوتتى فيزيكا ءپانىنىڭ مۇعالىمى اينۇر نۇرابايقىزى ءارى قاراي جەتىلدىرە تۇسۋگە كومەكتەسكەن. كىتاپحانا مەكتەپتىڭ ەڭ جوعارعى قاباتىندا ورنالاسقان. ياعني, روبوتتىڭ كۇننەن قۋات الۋىنا دا بارلىق مۇمكىندىك قاراستىرىلعان.
ءوزى ويلاپ تاپقان قۋىرشاققا ءاليا ءوز ەسىمىن بەرىپتى. جوعارىدا ايتىپ وتكەنىمىزدەي, مەكتەپكە شەتەلدەن قوناقتار كوپ كەلەدى. ولارعا قىزمەت كورسەتىپ, ياعني مەكتەپتىڭ تىنىس-تىرشىلىگىمەن تانىستىرعىسى كەلەتىن, اعىلشىن تىلىندە ەركىن سويلەي الاتىن وقۋشىلار كوپ. «دەگەنمەن, ولار بۇل كەزدە وزدەرىنىڭ قاتىسا الماي قالعان ساباقتارى مەن تاپسىرمالارىن ۋايىمداپ, ويلارىن دۇرىس جەتكىزە الماي قالۋى ابدەن مۇمكىن. بۇل جاعداي مەنىڭ وسىنداي جوبا جاساۋىما تۇرتكى بولدى», دەيدى ءا.ەلشىباي.
عالىمجان ەلشىباي,
«ەگەمەن قازاقستان»
