جيىندى اشقان ماۋلەن اشىمباەۆ پارتيالىق جاڭعىرۋدىڭ باسىم باعىتتارىن اتاپ ءوتىپ, الدا تۇرعان مىندەتتەردىڭ ايماقتىق دەڭگەيدە دە اسا ماڭىزدى ەكەنىنە نازار اۋداردى. پارتيا توراعاسى ءبىرىنشى ورىنباسارىنىڭ ايتۋىنشا, نۇروتاندىقتار ەلىمىزدە قولعا الىنعان جۇيەلى وزگەرىستەردىڭ نەگىزگى قوزعاۋشى كۇشى بولۋى كەرەك. سول ءۇشىن الدىمەن پارتيانىڭ نەگىزگى مىندەتىن انىقتاپ, يدەولوگيالىق جۇمىستىڭ باعىت-باعدارىن ايقىنداپ الۋ كەرەكتىگىن ايتقان ماۋلەن اشىمباەۆ: ء«بىز بۇگىندە كوبىنە ىشكى جۇمىستارعا باسىمدىق بەرىپ, سولارمەن عانا شەكتەلىپ قالعاندايمىز. ءتىپتى, كەيبىرەۋلەر ورتالىق اپپاراتقا قۇددى ءبىر مينيسترلىك, ال پارتيانىڭ ايماقتارداعى فيليالدارىنا جەرگىلىكتى اكىمدىكتەردىڭ ءبىر بولىمىندەي قارايدى. بۇل ەلباسىمىزدىڭ پارتيانىڭ الدىنا قويعان ماقسات-مىندەتتەرى مەن اتقارار ءرولىن دۇرىس تۇسىنبەۋدىڭ سالدارىنان بولىپ وتىر. مەملەكەت باسشىسى: «نۇر وتان» – مينيسترلىك تە, اتقارۋشى بيلىك تە ەمەس. ول – ستراتەگيالىق كۇش», – دەپ پارتيانىڭ باعىت-باعدارىن انىقتاپ بەردى. سوندىقتان ءبىز جۇمىسى جۇيەلى ءارى ءتيىمدى, مىندەتى ايقىن ستراتەگيالىق كۇش بولىپ قالىپتاسۋىمىز كەرەك», دەدى.
ماۋلەن اشىمباەۆ پارتيانىڭ جاڭا باعىتتا جۇمىس ىستەپ, ناقتى ناتيجەلەرگە قول جەتكىزۋى ءۇشىن قالىپتاسقان ءادىس-تاسىلدەر مەن فورماتتى وزگەرتۋدى ۇسىندى. ءبىرىنشى كەزەكتە پارتيا جۇمىسىنا دەبيۋروكراتيزاتسيا قاجەت ەكەنىن دە تىلگە تيەك ەتتى. بۇل, ارينە وڭىرلەرگە دە تىكەلەي قاتىستى باستاما. سوندىقتان جەرگىلىكتى جەرلەردە نۇروتاندىقتار وزدەرىن پارتيا شەنەۋنىگى ەمەس, حالىقپەن اشىق ءارى تىكەلەي جۇمىس ىستەيتىن پارتيا مۇشەسى رەتىندە كورسەتە ءبىلۋى ءتيىس. پارتيالىق ءىس-شارالاردى تاپتاۋرىن نۇسقادان ارىلتىپ, قوعاممەن ساياسي بايلانىستى جاڭاشا قارقىنمەن قايتا ورناتۋدىڭ دا ماڭىزى زور. نۇروتاندىقتاردىڭ ۇيىمداستىرۋىمەن وتەتىن ءار ءىس-شارا ءماندى, مازمۇندى, كرەاتيۆتى بولىپ قانا قويماي, ناقتى ناتيجەگە قول جەتكىزۋى كەرەك.
سونداي-اق جيىندا يدەولوگيالىق جۇمىستاردا وڭىرلەردىڭ «رۋحاني جاڭعىرۋ» باعدارلاماسىنا باسىمدىق بەرۋى كەرەكتىگى ايتىلدى. وسى تۇرعىدان كەلگەندە قازاقستانداعى جەتەكشى ساياسي كۇش سانالاتىن «نۇر وتان» پارتياسى قۇندىلىقتار مەن جاڭعىرۋ يدەياسىنىڭ جارشىسى رەتىندە ءار قازاقستاندىققا ونىڭ ءمانى مەن ماڭىزىن ءتۇسىندىرۋى ءتيىس. «قازىرگى تاڭدا «نۇر وتان» پارتياسى كوز الدىمىزعا ۇلكەن ءبىر سپورت سايىسىندا جەڭىسكە جەتىپ, كەيىن جاتتىعۋدى ۇمىتقان, ءوز وزىمەن جۇمىس ىستەۋدى مۇلدەم توقتاتقان, الداعى ماقسات-مۇددەلەرىن ىسىرىپ قويىپ, كۇندەلىكتى كۇيبەڭ تىرلىكتەن ارىلا الماي ءومىردىڭ اعىسىمەن عانا جىلجىپ كەلە جاتقان سپورتشىنى ەلەستەتەدى. سوندىقتان بارشامىز ول سپورتشىنىڭ قايتادان ەس جيىپ, قارقىندى جاتتىعۋىنا, ماقساتتارىن ايقىنداپ, فيزيكالىق قانا ەمەس ينتەللەكتۋالدى تۇرعىدا دا ءوزىن-ءوزى قولعا الۋىنا جانە ناعىز چەمپيون بولۋىنا كۇش جۇمساۋىمىز كەرەك. بۇل – ءبىزدىڭ الداعى ۋاقىتتاعى باستى مىندەتىمىز. وسى جولدا ءبارىمىز جۇدىرىقتاي جۇمىلۋعا ءتيىسپىز», دەدى پارتيا توراعاسىنىڭ ءبىرىنشى ورىنباسارى.
سونىمەن قاتار م.اشىمباەۆ وڭىرلىك فيليالدار مەن باستاۋىش پارتيا ۇيىمدارىنىڭ الدىندا تۇرعان باستى مىندەتتەرگە نازار اۋداردى. ەڭ الدىمەن, پارتيا وكىلدەرى ءوز وڭىرلەرىندەگى قوعامدىق-ساياسي جاعدايدى تولىق باقىلاۋدا ۇستاۋى ءتيىس. حالىقتى الاڭداتقان ماسەلەلەردى دەر كەزىندە انىقتاپ, جەدەل ارەكەت ەتىپ, كەيىن ونى پارتيالىق دەڭگەيدە شەشۋدىڭ جولدارىن ۇسىنۋلارى كەرەك. سوعان وراي ارنايى الەۋمەتتىك جۇكتەمەلەر كارتاسى دايىندالماق. بارلىق پارتيالىق جوبالاردىڭ وزەكتىلىگى ارتىپ, جاڭا باستامالار قولعا الىناتىن بولدى. وسى رەتتە «نۇر وتان» پارتياسى توراعاسىنىڭ ءبىرىنشى ورىنباسارى پارتيا باستاماشى بولعان ءاربىر جوبا ەسەپ ءۇشىن عانا قولعا الىنباي, حالىققا ناقتى پايداسى تيەتىن ماڭىزعا يە بولۋ كەرەكتىگىن ايتتى.
كادر ماسەلەسى دە نازاردان تىس قالمادى. سونىڭ ناتيجەسىندە الداعى ۋاقىتتا ەڭ بەلسەندى, ەل مۇددەسىن ءبىرىنشى كەزەككە قوياتىن بىلىكتى مامانداردان كادرلىق رەزەرۆ قۇرىلىپ, سولاردىڭ قاتارىنداعى پارتيا مۇشەلەرى مەملەكەتتىك ورگاندار مەن ماسليحاتتارداعى, ءتىپتى پارلامەنتتەگى بوس لاۋازىمدارعا ۇسىنىلاتىنى ايتىلدى. ودان بولەك, ماۋلەن اشىمباەۆ سايلاۋالدى باعدارلامادا كورسەتىلگەن ۋادەلەر مەن مىندەتتەردى ورىنداۋ ءۇشىن ءاربىر فيليالعا بىلەك سىبانىپ جۇمىس ىستەپ, ناقتى ناتيجەلەرگە قول جەتكىزۋدى تاپسىردى. «ەلباسى, پارتيا توراعاسى نۇرسۇلتان نازارباەۆ بىزگە اۋقىمدى ستراتەگيالىق مىندەتتەر جۇكتەدى. ءبىز ء«بىر جەڭنەن قول, ءبىر جاعادان باس شىعارىپ» ارەكەت ەتسەك, بۇل تاپسىرمالاردى تابىستى جۇزەگە اسىرىپ, پارتيانىڭ قىزمەتىن جاڭا ساپاعا كوتەرەمىز دەپ سەنەمىن. وسىلايشا پارتيانى زاماناۋي, جوعارى تەحنولوگيالى, بەلسەندى, پەرسپەكتيۆالى, يننوۆاتسيالىق ساياسي ۇيىم رەتىندە قايتا قۇرۋعا مۇمكىندىك الامىز. بۇل ءبىزدىڭ قولىمىزدان كەلەتىنىنە سەنەمىن. ءبىز جۇمىس بارىسىندا قانداي تاسىلدەر مەن ادىستەردى وزگەرتۋ كەرەكتىگىن جانە الدىمىزداعى مىندەتتەرىمىز بەن باعىت-باعدارىمىزدى ناقتى تۇسىندىك. وسى باعىتتاعى جۇمىستارعا پارتيامىزدىڭ بارلىق وڭىرلىك فيليالدارى بەلسەنە اتسالىسادى دەپ ۇمىتتەنەمىن», دەدى ماۋلەن اشىمباەۆ.
سونداي-اق جيىندا پارتيا حاتشىلارى عابيدوللا ءابدىراحىموۆ, قانىبەك جۇماشەۆ جانە فارحاد قۋانعانوۆ ءسوز الىپ, ءوز جۇمىس باعىتتارى بويىنشا بايانداما جاسادى.
جولدىباي بازار,
«ەگەمەن قازاقستان»
