قر پرەزيدەنتى اكىمشىلىگىندەگى مەملەكەتتىك ينسپەكتور لاۋازىمىنا تاعايىندالۋىنا بايلانىستى ەرماعانبەت بولەكپاەۆ ەسىل اۋدانىنىڭ اكىمى لاۋازىمى قىزمەتىنەن بوساتىلدى.
قالا اكىمى ە.بولەكپاەۆقا اتقارعان جۇمىستارى ءۇشىن العىس ءبىلدىرىپ, جاڭا لاۋازىمىندا تابىستى بولۋىن تىلەدى.
ءوزىنىڭ جەكە ارىزى بويىنشا اتقارىپ وتىرعان لاۋازىمىنان مۇرات امانچيەۆ «109 كەزەكشىلىك قىزمەتى» مەملەكەتتىك مەكەمەسىنىڭ باسشىسى قىزمەتىنەن بوساتىلدى.
اكىم سونىمەن قاتار «109 كەزەكشىلىك قىزمەتى» مم قايتادان قۇرىلىپ, اتاۋى «قالالىق مونيتورينگ جانە جەدەل ارەكەت ەتۋ ورتالىعى» بولىپ وزگەرگەنىن جانە ديرەكتورى جاننات دۋبيروۆانىڭ تاعايىندالعانىن حابارلادى.
«بۇگىندە ورتالىق ءوزىنىڭ جۇمىسىن بەلسەندى اتقارىپ وتىر, سول سەبەپتى بارلىق شاعىمدارعا جەدەل ارەكەت جاساۋ جانە تۇسكەن ارىزدارعا مونيتورينگ جۇرگىزۋدى ءارى قاراي جالعاستىرۋدى تاپسىرامىن», – دەدى استانا اكىمى اسەت يسەكەشەۆ.
