جولداۋدىڭ باسىندا اتالعان تابىستار ەلىمىزدىڭ اعىمداعى جاھاندىق ماسەلەلەردى شەشۋگە قابىلەتتىلىگىنە دالەل بولادى. پرەزيدەنت وزەرىستەردىڭ نەگىزگى فلاگمانى رەتىندە يندۋستريالاندىرۋعا ەرەكشە كوڭىل بولەدى. اتاپ ايتقاندا, جاڭا تەحنولوگيالار مەن بەيىمدەلگەن ءبىلىم جۇيەسى تسيفرلى جانە باسقا دا يننوۆاتسيالىق شەشىمدەردى ازىرلەۋشىلەردىڭ ءوز ەكوجۇيەلەرىن دامىتۋ ءۇشىن ءتيىستى جاعدايلار جاسايدى. رەسۋرستاردى پايدالانۋدىڭ جاڭا تاسىلدەرى ماڭىزدى قادام بولماق. ءبىز 2017 جىلى استانا قالاسىندا وتكەن ەكسپو كورمەسى بويىنشا «جاسىل» تەحنولوگيالاردى ازىرلەۋدەگى قازاقستاننىڭ مۇمكىندىكتەرى تۋرالى بىلەمىز. سوندىقتان مەملەكەت باسشىسى قويعان بۇل مىندەتتى شەشۋ ءۇشىن بىزدە ءبارى بار دەپ سەنىممەن ايتا الامىز.
پەداگوگيكالىق قىزمەتكەرلەر ءۇشىن جەتىنشى مىندەت ەرەكشە ماڭىزعا يە. سەبەبى, جاڭا تەحنولوگيالىق ءتارتىپ تەرەڭ ماتەماتيكالىق جانە جاراتىلىستانۋ-عىلىمي ءبىلىمدى تالاپ ەتەدى. ول ءۇشىن وقىتۋ ۇدەرىسىن رەسۋرستىق قامتاماسىز ەتۋدى كۇشەيتۋمەن قاتار, پەداگوگتاردى دايىنداۋ تاسىلدەرىن قايتا قاراستىرۋدى ۇسىنادى, بۇل بۇكىل جۇيەنى جاڭارتۋ بولىپ تابىلادى.
جولداۋدا بارلىق جاستاعى ادامدارعا ارنالعان ءبىلىم بەرۋ جۇيەسىن قۇرۋعا نازار اۋدارىلدى. بۇل وتە ماڭىزدى, ويتكەنى ون جىل بۇرىن الىنعان ءبىلىم ەسكىرگەن, ال جۇمىسقا قابىلەتتى جاستاعى ادامدار قايتا دايارلىقتان وتۋگە, جاڭا داعدىلاردى يگەرۋگە ءتيىس. بۇگىنگى كۇنگى ءبىلىم بەرۋ جۇيەسى قوعام قاجەتتىلىكتەرىن تولىققاندى قامتاماسىز ەتە المايدى. قالالىق مەكتەپتەردىڭ جان باسىنا قارجىلاندىرىلۋى – ءبىلىم بەرۋ ۇيىمدارىنىڭ باسەكەگە قابىلەتتىلىگىن ارتتىرۋ ءۇشىن قاجەتتى جاعدايلاردى جاسايدى. بۇل ءبىلىم بەرۋ ساپاسىن ارتتىراتىنى ءسوزسىز.
ءبىز ءۇشىن ءۇش تىلدە وقىتۋ, اعىلشىن ءتىلىن ءبىلۋ قاجەتتىلىگى تۋرالى ەرەجە وتە ماڭىزدى. ول البەتتە, لاتىن الىپبيىنە كوشۋگە كومەكتەسەدى. بىراق ۇلتتىق سايكەستىكتى ساقتاپ قالۋ دا ماڭىزدى ءرول اتقارادى, ونىڭ ماڭىزدى بولىگى قازاق ءتىلىن ءبىلۋ بولىپ تابىلادى. ءۇش ءتىلدى ەركىن مەڭگەرۋ, ينتەرنەتكە جاپپاي قولجەتىمدىلىك – جاستار ءۇشىن جارقىن بولاشاقتىڭ كەپىلى.
پەداگوگتەردىڭ جاڭارتىلعان ءبىلىم بەرۋ باعدارلاماسىن يگەرۋگە دەگەن قۇلشىنىسىنا قاراي وتىرىپ, ونىڭ ۋاقتىلى جانە ساپالى ەكەندىگىن ايتۋعا بولادى. سوندىقتان تەحنيكالىق جانە كاسىپتىك ءبىلىم بەرۋ باعدارلامالارىن جاڭارتۋ دا ۋاقىت تالابى. شەتەل ماماندارىن تارتا وتىرىپ, جاڭا تەحنولوگيالاردى پايدالانىپ, جاستاردىڭ ماماندىقتى مەڭگەرۋى ءوز كاسىبي شەبەرلىكتەرىن حالىقارالىق دەڭگەيدە ءساتتى جۇزەگە اسىرۋىنا مۇمكىندىك بەرەدى. ءبىزدىڭ ويىمىزشا, جولداۋدا ءبىلىم بەرۋ جۇيەسىنىڭ ەكونوميكانىڭ ءبىر سالاسى رەتىندە قاراستىرىلۋى اسا قۇندى بولىپ تابىلادى. ويتكەنى ءبىلىم بەرۋ ۇيىمدارىنىڭ ەكونوميكالىق ەركىندىگى ساپالى دەڭگەيدى قۇرايدى. بۇل حالىقارالىق كەڭىستىكتە تاجىريبەدەن وتكەن جانە ءوز ناتيجەسىن كورسەتتى.
پەداگوگتەردىڭ بىلىكتىلىگىن ارتتىرۋ جۇيەسى قىزمەتكەرلەرى رەتىندە مۇعالىمدەردىڭ الەۋەتى, مەملەكەتتىڭ كومەگى مەن جاڭا تەحنولوگيالار ءبىلىم بەرۋ جۇيەسىن جاڭا دەڭگەيگە كوتەرۋگە ىقپال ەتەدى دەپ سەنەمىز. ول – بولاشاقتىڭ نەگىزى. ءبىز ءبىر ماقساتقا ۇمتىلامىز, سوندىقتان جاسقا, الەۋمەتتىك جاعدايعا, لاۋازىمعا قاراماي, جولداۋدى جۇزەگە اسىرۋعا جاۋاپتى بولۋىمىز كەرەك. كەلەر ۇرپاققا جەدەل دامۋشى قازاقستاندى قالدىرۋ – قاسيەتتى بورىشىمىز.
ەركىن يسيمباەۆ,
كوكشەتاۋ قالالىق ءماسليحاتىنىڭ دەپۋتاتى
