باسقارمانىڭ مالىمەتى بويىنشا, 2018 جىلدىڭ 7 اقپانىنا قىزىلوردا وبلىسىنىڭ اۋماعىنا 345 م3/سەك سۋ كەلىپ, قىزىلوردا سۋ تورابىنان تومەن قاراي 320 م3/سەك سۋ بوساتىلۋدا.
سولتۇستىك اۋدانداردا سىرداريا وزەنى بەتىندە تولىقتاي مۇز قاتسا, وڭتۇستىك اۋدانداردا مۇز قاتۋ پروتسەسى كۇشەيۋدە. مۇزدىڭ قالىڭدىعى 20 – 60 سم قۇرايدى.
«2018 جىلدىڭ 29 قاڭتارىندا سىرداريا اۋدانى, قالجان احۋن اۋىلىنىڭ وڭتۇستىك – باتىس اۋماعىندا ورنالاسقان «اسەت» ۋچاسكەسىنىڭ تۇسىنداعى قورعانىس بوگەتىنىڭ ءرولىن اتقارىپ تۇرعان «الاسيىر» كانالى بوگەتىنىڭ بۇزىلۋى ناتيجەسىندە اۋىل شارۋاشىلىعى جەرلەرىنە سۋ جايىلدى.
سۋ جايىلۋعا مۇز استىنان قالىڭدىعى 2-2,5 مەتر بولاتىن شۇعانىڭ جۇرۋىنەن كەپتەلىستەر قالىپتاسىپ, سۋ دەڭگەيىنىڭ جوعارىلاۋى سەبەپ بولۋدا.
قازىرگى تاڭدا قورعانىس بوگەتتەرىن نىعايتۋ شارالارى جۇرگىزىلۋدە. بۇل جۇمىستارعا 2 مەردىگەر مەكەمەدەن 16 بىرلىك تەحنيكا مەن 60 ادام جۇمىلدىرىلۋدا. اتالعان جاعدايعا بايلانىستى سىرداريا اۋدانى اكىمدىگىمەن تابيعي سيپاتتاعى توتەنشە جاعداي جاريالانۋدا», - دەپ مالىمدەدى باسقارما باسشىسى س.سەرماعامبەتوۆ.
قىزىلوردا قالاسى مەن وبلىستىڭ ەلدى مەكەندەرىندە سۋ باسۋ قاۋپى جوق. جالپى وبلىس بويىنشا جاعداي قاتاڭ باقىلاۋدا.
