زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا مەن «كومەكتەس» قوعامدىق قورى بىرلەسە وتىرىپ, مەملەكەتتىك ءتىلىمىزدى ناسيحاتتاۋ جانە زاعيپ وقىرماندار اراسىندا اقيىق اقىن,قازاق پوەزياسىنىڭ ءدۇلدىلى, ءحانتاڭىرىنىڭ مۇزبالاعى مۇقاعالي ماقاتاەۆ شىعارمالارىن قالىڭ وقىرمان اراسىندا ناسيحاتتاۋ ماقساتىندا كىتاپحانادا العاش رەت ۇيىمداستىرىلىپ وتىرعان «مۇقاعالي وقۋلارى» فەستيۆالى ىستىق ىقىلاس تۋدىردى.بۇل فەستيۆالىندە 15 ونەرپاز ءوز ونەرلەرىن كورسەتتى.
اقىننىڭ جاۋھار جىرلارىمەن كورەرمەندەردى سۋسىنداتقان ءان مەن جىر مەرەكەسىنە دەمەۋشى بولعاندار اراسىندا «تاڭبالى» مەملەكەتتىك تاريحي-مادەني جانە تابيعي قورىق مۇراجايى, «جىگەر» مۇمكىندىگى شەكتەۋلى ادامدار جاستار ۇيىمى, «الاتاۋ» ءداستۇرلى ونەر تەاترى, الماتى قالالىق مادەنيەت باسقارماسى جانە باسقا ۇيىمدار مەن جەكە ادامدار قول ۇشىن سوزدى. ادەمى اۋەنىمەن كەلۋشىلەردى ءتانتى ەتكەن قاپيزا ايشۋاقوۆا, كەنجە قورعانباەۆا, گالينا حمىروۆا, مەيرامگۇل يساتوۆا, رۇستەم تايىروۆ ونەرلەرى سەزىمىڭدى ايالايدى. ءسويتىپ,
«زاعيپ جانە ناشار كورەتىن ازاماتتارعا ارنالعان كىتاپحانادا وتكەن جىر كەشى كۇمبىرلەپ انگە ۇلاستى,جاڭعىرىعىپ مۇقاعالي اقىننىڭ كوكەيدى تەربەگەن وتتى جىرلارىنا جالعاستى.
«مۇقاعالي وقۋلارى» ادەمى ورنەگىمەن جينالعان جۇرتشىلىقتى ساعىنىش بولىپ ءبىر سەيىلتىپ, جابىرقاي كوڭىلدەرىن جادىراتىپ تاستادى.
ساپارباي پارمانقۇل,
«ەگەمەن قازاقستان»
الماتى
