قۇرمانعازى اۋدانىنىڭ ورتالىعى گانيۋشكين اۋىلىندا وتكەن بالىق شارۋاشىلىعىن دامىتۋ ماسەلەلەرىنە ارنالعان جينالىسقا قاتىسقان سەناتور مەملەكەت باسشىسى ن.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» حالىققا جولداۋىندا العا قويىلعان مىندەتتەرگە توقتالدى. س.ەڭسەگەنوۆ بالىق شارۋاشىلىعى سالاسىن وركەندەتۋ تۋرالى ويلارىن ورتاعا سالا كەلىپ, پارلامەنت قابىلداعان زاڭنامالىق اكتىلەر تۋرالى حاباردار ەتتى. جينالىسقا اتىراۋ وبلىسىنىڭ اكىمى نۇرلان نوعاەۆ توراعالىق ەتتى.
سەناتور قۇرمانعازى اۋدانىنا ساپارى اياسىندا ازعىر پوليگونى ايماعىندا بولىپ, بالقۇدىق اۋىلىنداعى ۋچاسكەلىك پوليتسيا وكىلدەرىمەن دە كەزدەستى. دەپۋتاتتىڭ حاتى بويىنشا ازعىر وڭىرىندە اۋداندىق ىشكى ىستەر ءبولىمىنىڭ بولىمشەسى اشىلاتىن بولدى. اشىلىپ وتىرعان بولىمشەگە وبلىس اكىمدىگى تاراپىنان عيمارات بەرىلدى. ازعىر وڭىرىندەگى 13 اۋىلدىق وكرۋگكە قارايتىن 9 اۋىلدىڭ تۇرعىندارى ءۇشىن ىشكى ىستەر بولىمشەسىنىڭ اشىلۋى وتە ماڭىزدى بولىپ وتىر. س.ەڭسەگەنوۆ ەڭبەكشى اۋىلدىق وكرۋگىنە قاراستى اشاق قۇمى مەن قوشالاق اۋىلىنىڭ ماڭىنداعى اقىن جۇمەكەن ناجىمەدەنوۆكە ارناپ قويىلعان ەسكەرتكىش باسىندا دا بولدى.
سەنات دەپۋتاتى س.ەڭسەگەنوۆ ح.دوسمۋxامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى ا.تالتەنوۆپەن كەزدەسۋدە ەلباسىنىڭ جولداۋىنداعى ءبىلىم سالاسىنا قاتىستى مىندەتتەر تۋرالى ايتا كەلىپ, جوعارى ءبىلىم بەرۋ ءىسىن جەتىلدىرۋ, ايماقتىق وقۋ ورىندارىندا عىلىمدى دامىتۋ جانە «الاش» قايراتكەرلەرىن ارداقتاۋ ماسەلەلەرى تالقىلاندى.
