شيرەك فينالدىڭ سوڭعى ويىنى يسپانيا مەن ۋكراينا اراسىندا ءوتتى. ونىڭ قورىتىندىسى بويىنشا يسپانيا 1:0 ەسەبىمەن باسىم ءتۇسىپ, 1/2 فينالعا جولداما الدى. ال جالعىز گولدى ادريان پول 18-مينۋتتا سالدى. ەندى قازاقستان قۇراماسى دودانىڭ جارتىلاي فينالىندا ءدال وس يسپاندارمەن سىنعا تۇسەدى.
شيرەك فينالدا وتانداستارىمىز سەربيا قۇراماسىن 3:1 ەسەبىمەن جەڭگەن بولاتىن. ايتا كەتەرلىك تاعى ءبىر جايت, قازاقستان مەن يسپانيا وسىعان دەيىن ەكى مارتە كەزدەسكەن. 2016 جىلى "قىزىل فۋريالار" 5:3 ەتىپ جەڭگەن بولسا, الەم چەمپيوناتىنىڭ 1/8 فينالىندا 5:2 ەسەبىمەن باسىم تۇسكەن.
قازاقستان قۇراماسى ەندى فينالدا نەمەسە ءۇشىنشى ورىن ءۇشىن كەتەتىن كەزدەسۋدە پورتۋگاليا-رەسەي قۇرامالارىنىڭ بىرىمەن كەزدەسەدى.
