وعان «نۇر وتان» پارتياسى الماتى قالالىق فيليالىنىڭ بيۋرو جانە ساياسي كەڭەس مۇشەلەرى, الماتى قالالىق ءماسليحاتىنىڭ دەپۋتاتتارى, مەملەكەتتىك ورگاندار مەن ۇكىمەتتىك ەمەس ۇيىمداردىڭ جەتەكشىلەرى, «جاس وتان» جاستار قاناتىنىڭ مۇشەلەرى جانە بۇقارالىق اقپارات قۇرالدارىنىڭ وكىلدەرى قاتىستى.
كونفەرەنتسيانى «نۇر وتان» پارتياسى الماتى قالالىق فيليالى توراعاسىنىڭ ءبىرىنشى ورىنباسارى جۇلدىز وماربەكوۆا اشىپ, ءوز سوزىندە پرەزيدەنت جولداۋىن تالقىلاپ قانا قويماي, ونىڭ ورىندالۋىن پارتيا تاراپىنان قاداعالاۋ ماڭىزدى ماسەلە ەكەندىگىن اتاپ ءوتتى.
جولداۋدىڭ ءبىرىنشى باعىتى بويىنشا «تۇران» ۋنيۆەرسيتەتىنىڭ رەكتورى, قوعامدىق كەڭەستىڭ توراعاسى, ءماسليحات دەپۋتاتى راحمان الشانوۆ, سەگىزىنشى جانە توعىزىنشى باعىتتارى بويىنشا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى, «نۇر وتان» پارتياسى الماتى قالالىق فيليالى جانىنداعى جەمقورلىققا قارسى ءىس-قيمىل جونىندەگى قوعامدىق كەڭەس توراعاسىنىڭ ورىنباسارى ايگۇل بايحانوۆا, ونىنشى باعىتى بويىنشا «نۇر وتان» پارتياسى الماتى قالالىق فيليالى ساياسي كەڭەسىنىڭ مۇشەسى, «نك سپك الماتى» اق باسقارما توراعاسى مۇحيت ازىرباەۆ ءسوز سويلەدى. ولار ەلباسى جولداۋىنىڭ ماڭىزدىلىعىن باسا كورسەتىپ, ونى تولىعىمەن قولدايتىندىقتارىن ءبىلدىردى.
جولداۋدا كورسەتىلگەن ماڭىزدى باعىتتاردىڭ ءبىرى – «الماتى-2020» دامۋ باعدارلاماسى اياسىندا جۇزەگە اسىرىلىپ جاتقان «اقىلدى قالا» باعىتى. الدىڭعى جىلى قالادا باستاۋ العان بۇل جوبا اشىق, قولايلى جانە جايلى قالا ورتاسىن قالىپتاستىرۋ ءۇشىن جاڭا مۇمكىندىكتەر تۋعىزادى. جوبا اياسىندا, سونداي-اق پارتيانىڭ ساياسي دوكتريناسىندا ازاماتتاردىڭ قۇقىقتارىن, بوستاندىقتارىن جانە زاڭدى مۇددەلەرىن قامتاماسىز ەتۋگە باستى نازار اۋدارىلادى. اشىق قالا ورتاسىن قالىپتاستىرۋ ماقساتىندا «قاۋىپسىز قالا» جوباسى جۇزەگە اسىرىلىپ كەلەدى. ال نارىقتىق قاعيداتتار بويىنشا جۇمىس ىستەپ, ءتيىمدى جانە تۇراقتى قوعامدىق كولىكتەر سالاسىن قالىپتاستىرۋ ماقساتىندا كولىك رەفورماسى جۇرگىزىلۋدە.
كونفەرەنتسيادا قالالىق ماسليحاتتاعى ءوز مىندەتىنەن بوساتىلعان دەپۋتاتتاردىڭ ورنىنا جاڭادان ۇمىتكەرلەر ۇسىنىلدى. الماتى قالالىق ءماسليحاتىنىڭ ءVى شاقىرىلىم دەپۋتاتى, ءا.قاستەەۆ اتىنداعى بەينەلەۋ ونەرى جانە تەحنيكالىق ديزاين مەكتەبىنىڭ ديرەكتورى حانزادا ەسەنوۆا قازىرگى تاڭدا الماتى قالاسى مادەنيەت جانە مۇراعاتتار باسقارماسىنىڭ باسشىسى قىزمەتىن اتقارادى.
4 كانديدات ىشىنەن 2 ۇمىتكەر ءماسليحات دەپۋتاتتىعىنا ۇسىنىلدى. ولار قوعامدىق ۇيىمدار مەن بيزنەس سالاسىنىڭ وكىلدەرى.
كونفەرەنتسيا قورىتىندىسىندا جولداۋ اياسىندا اتقارىلاتىن ءىس-شارالار جوسپارى بەكىتىلدى.
ساپارباي پارمانقۇل,
«ەگەمەن قازاقستان»
الماتى
