جيىن بارىسىندا دارحان قىدىرəلى «ەگەمەن قازاقستان» قولعا العان قوعامدىق ءمان-ماڭىزى بار جوبالار تۋرالى ايتتى.
مəسەلەن, بىلتىر باسىلىم "رۋحاني جاڭعىرۋ" باعدارلاماسى اياسىندا حالىقارالىق ەكسپەديتسيا ۇيىمداستىرعان. سونىمەن قاتار "ەگەمەن قازاقستان كىتاپحاناسى" سەرياسىمەن كىتاپتار جارىق كورگەن. گازەت كوپتەگەن قايىرىمدىلىق شارالار مەن ينۆەستيتسيالىق فورۋمدارعا اقپاراتتىق دەمەۋشى بولعان. بيىل دا باسىلىم بىرقاتار جوبالاردى قولعا الماق. سونىڭ ىشىندە ناۋرىزدان باستاپ گازەتتىڭ اتاۋىن لاتىن الىپبيىمەن جاڭا ديزايندا شىعارۋ جوسپارلانىپتى.
"ناۋرىز ايىنان باستاپ كۇندەلىكتى 16 بەت كولەمىنە كوشەمىز دەپ جوسپارلاپ وتىرمىز. سونىمەن قاتار جاڭا قوسىمشالارمەن اپتاسىنا ءبىر رەت 24 بەت شىعارۋ جوسپارلانۋدا. سونداي-اق بيىل ءبىز ءۇشىن «ەگەمەن قازاقستان» گازەتىنىڭ 100 جىلدىق مەرەيتويىنا دايىندىق جىلى بولادى. قازاق ءباسپاسوزىنىڭ تاريحىندا مەملەكەتتىك ساياساتتى حالىققا جەتكىزە وتىرىپ, ەل ءۇشىن وزەكتى پروبلەمالاردى, قوعامدىق ءمان-ماڭىزى بار ماسەلەلەردى ۇدايى نازارىندا ۇستاپ, 100 جىلدىق بەلەسىنە شىعىپ وتىرعان ەلدەگى بىردەن ءبىر رەسمي گازەت – «ەگەمەن قازاقستان». سوندىقتان دا «ەگەمەننىڭ» 100 جىلدىق مەرەيتويى رەسپۋبليكالىق دەڭگەيدە اتاپ وتۋگە ابدەن لايىق دەپ ەسەپتەيمىز", دەدى دارحان قىدىرəلى. سونىمەن قاتار ونىڭ ايتۋىنشا بيىل «ەگەمەن قازاقستان» اكادەمياسى» اتتى كەڭ اۋقىمدى جوبا جۇزەگە اسىرىلا باستايدى.
"بىز شەتەلدەگى (موڭعوليا, وزبەكستان جانە قىرعىزستان) قازاق جۋرناليستەرىنە ارنايى سەمينار كۋرسىن ۇيىمداستىرۋدى دا جوسپارلاپ وتىرمىز. بۇدان بولەك جەرگىلىكتى جۋرناليستەردى اعىلشىن تىلىندە اقپارات تاراتۋ بويىنشا تاعلىمدامادان وتكىزۋدى, جۋرناليستيكا فاكۋلتەتتەرى ستۋدەنتتەرىنىڭ كاسىبي شىڭدالۋىنا مۇمكىندىك جاساۋدى قولعا الماقپىز. وڭىرلىك جانە سالالىق ءباسپاسوز قۇرالدارىنا اقپاراتتىق-ادىستەمەلىك جانە كونسۋلتاتيۆتىك-ترەنينگتىك قولداۋ كورسەتۋ سىندى باعىتتاردا جۇمىس ىستەۋ دە جوسپارىمىزدا بار", دەدى دارحان قىدىرəلى.
كونفەرەنتسيادا بەلگىلى بولعانداي, «تسيفرلى قازاقستان» باعدارلاماسى اياسىندا «ەگەمەن قازاقستان» گازەتىنىڭ 1919 جىلدان بەرگى بارلىق نومىرلەرىن سكانەرلەپ, ەلەكتروندى فورماتقا كوشىرۋ جۇمىستارىن اياقتالۋعا جاقىن ەكەن. سول سياقتى 1919-2019 جىلدار ارالىعىندا گازەتتە جارىق كورگەن تاڭداۋلى ماقالالاردىڭ 10 تومدىق جيناعىن ازىرلەۋ ءىسى جالعاستىرىلۋدا.
"ەگەمەن قازاقستان" اكتسيونەرلىك قوعامىنىڭ ىشكى قۇجات اينالىمىن اۆتوماتتاندىرىپ, وندىرىستىك-شىعارماشىلىق ۇدەرىسىن ەلەكتروندى جۇيەگە كوشىرۋدى جوسپارلاپ وتىرمىز. بۇدان بولەك سايتىمىزدىڭ ساپاسىن ارتتىرۋ جۇمىستارى جالعاسا بەرەتىن بولادى. وسى ماقساتتا ءۇش تىلدە مۋلتيمەديالىق (ۆيدەو رەپورتاجدار, ۆيدەو سۇقباتتار ازىرلەۋ) كونتەنتتى ورنالاستىرۋ جوسپارلانۋدا. قازاق ءتىلدى اۋديتوريانىڭ ەلدەگى الەۋمەتتىك-ەكونوميكالىق, قوعامدىق-ساياسي ماسەلەلەر بويىنشا پىكىرىن ءبىلۋ ءارى وقىرماندارمەن ءتيىمدى كەرى بايلانىس ورناتۋ ماقساتىندا رەسپۋبليكالىق ماسشتابتا كاسىبي الەۋمەتتانۋشىلاردى تارتا وتىرىپ, تەلەفون, ينتەرۆيۋ جانە ينتەرنەت قۇرالدارى كومەگىمەن كەشەندى الەۋمەتتىك زەرتتەۋ جۇرگىزۋ دە قولعا الىناتىن بولادى", دەي كەلە دارحان قىدىرəلى əلەمدىك, حالىقارالىق دەڭگەيدەگى ءىرى اقپارات قۇرالدارىمەن ارىپتەستىك بايلانىس ورناتۋ ماقساتىنداعى كەلىسسوزدەر جالعاسا بەرەتىنىن ايتتى.
ء"بىز 2017 جىلى جاپونيانىڭ, قىتايدىڭ, اقش پەن ەۋروپانىڭ, يراننىڭ, تۇركيانىڭ جانە اراب امىرلىكتەرىنىڭ بەلدى باسىلىمدارىندا بولىپ, ولاردىڭ تاجىريبەلەرىمەن تانىستىق. ءوزارا اقپارات الماسۋ, تاجىريبە جەتىلدىرۋ باعىتىنداعى ىنتىماقتاستىقتىڭ مۇمكىندىكتەرىن تالقىلادىق (اساحي شيمبۋن, يرنا, نيۋ-يورك تايمس, ميلليەت جانە ت.ب). وسى كەلىسسوزدەر ساتىمەن اياقتالسا, اۆتورلىق قۇقىق الۋ ارقىلى اتالعان شەتەل باسىلىمدارىنىڭ ماڭىزدى ساراپتامالىق ماتەريالدارىن «ەگەمەن» وقىرماندارى دا وقيتىن كۇن تاياۋ دەپ ويلايمىز" دەدى باسقارما توراعاسى.
ءسوز سوڭىندا دارحان قىدىرəلى قازاق ءباسپاسوزىنىڭ ءبىر عاسىرلىق تاريحى بار قارا شاڭىراعىنا, وتاندىق جۋرناليستيكانىڭ ۇستاحاناسىنا اينالعان, سارعايعان بەتتەرىندە الاش ارىستارىنىڭ قولتاڭباسى قالعان باس باسىلىم بۇگىنگى كۇنگە وسىنداي تابىستارمەن جانە جارقىن جوبالارىمەن كەلىپ وتىرعانىن ايتتى. "ەگەمەندىكتىڭ ەلەڭ-الاڭىندا ەلدىگىمىزدىڭ ەڭسەسىن تىكتەۋگە اتسالىسىپ, ەلمەن بىرگە جاڭارىپ, ەلمەن بىرگە وركەندەپ كەلە جاتقان «ەگەمەن قازاقستان» الداعى ۋاقىتتا دا ەلگە قىزمەت ەتە بەرەتىن بولادى", دەدى دارحان قىدىرəلى.
گۇلنۇر قۋانىشبەكقىزى,
"ەگەمەن قازاقستان".
