جيىندا دارحان قىدىرəلى گازەتتە قازىر 115 قىزمەتكەر جۇمىس ىستەيتىنىن ايتىپ ءوتتى. ولاردىڭ جاس قۇرامى نەمەسە ورتا جاسى – 35 جاس (2016 -56, 2017 – 43). دارحان قىدىرəلىنىڭ ايتۋىنشا, گازەت قىزمەتكەرلەرى جاسارىپ قانا قويماي, ساپالى, بىلىكتى كادرلارمەن تولىققان.
"گازەتىمىزدە قازىر ءۇش ءتىلدى مەڭگەرگەن 4 "بولاشاق" تۇلەگى بار. سونىمەن قاتار "ەگەمەن قازاقستان" ەلىمىزدەگى ءوز قىزمەتكەرلەرىن تولىعىمەن باسپانامەن جانە الەۋمەتتىك پاكەتپەن قامتىپ وتىرعان بىردەن ءبىر مەكەمە. جىل باسىندا جالاقى 15 پايىزعا ءوستى" دەدى باسقارما توراعاسى.
ونىڭ ايتۋىنشا, 2017 جىل "ەگەمەن قازاقستان" قىزمەتكەرلەرىنىڭ ەكەۋى «قۇرمەت» وردەنىنە, ۇشەۋى «اقپارات سالاسىنىڭ ۇزدىگى» توسبەلگىسىنە, ۇشەۋى «ۇركەر» سىيلىعىنا يە بولعان. جالپى بىلتىر رەسپۋبليكالىق, وڭىرلىك, سالالىق جانە ۆەدومستۆولىق سىيلىقتاردى قوسا ەسەپتەگەندە, «ەگەمەن» جۋرناليستەرى 10-نان اسا ءارتۇرلى سىيلىقتارمەن ماراپاتتالعان.
گۇلنۇر قۋانىشبەكقىزى,
"ەگەمەن قازاقستان"
