كونفەرەنتسيا بارىسىندا دارحان قىدىرəلى گازەت پورتالى دا ساپالىق جانە ساندىق وزگەرىستەرگە ۇشىراعانىن اتاپ ءوتتى. "دەربەس رەداكتسيا رەتىندە تىركەلگەن سايتىمىز لاتىن جانە توتە جازۋ نۇسقاسىمەن بىرگە, ورىس جانە اعىلشىن تىلدەرىندە اقپارات تاراتۋدى قولعا الدى. سونداي-اق حالىقارالىق جاڭالىقتاردىڭ ۇلەسى ارتتى. اۋديو ماقالا قوسىلدى" دەي كەلە باسقارما توراعاسى جەكە سەرۆەر ساتىپ الىنىپ, قازاقتەلەكومنىڭ داتا ورتالىعىنا ورنالاستىرىلعانىن اتاپ ءوتتى. سونىمەن قاتار دارحان قىدىرəلىنىڭ ايتۋىنشا, 2010 جىلدان بەرى قولدانىستاعى Wordpress جۇيەسىنەن باس تارتىپ, قاۋىپسىزدىگى مىقتى Laravel فرەيمۋوركى ارقىلى سايت قايتا جاسالىپ, Android جانە ءىOS جۇيەلەرىنە ارنالعان ءموبيلدى قوسىمشالار ىسكە قوسىلعان.
جيىندا بەلگىلى بولعانداي, "ەگەمەن قازاقستاننىڭ" əلەۋمەتتىك جەلىلەردەگى پاراقشالارىنا جازىلۋشىلار سانى دا ءبىر جىلدىڭ ىشىندە ايتارلىقتاي ارتقان. "فەيسبۋكتە «ەگەمەن قازاقستان» پاراقشاسىنا جازىلۋشىلاردىڭ سانى 3 مىڭنان 13 مىڭعا جەتتى. تۆيتتەر الەۋمەتتىك جەلىسىندە «ەگەمەن قازاقستان» اككاۋنتىنا ۆەريفيكاتسيا الىندى" دەدى دارحان قىدىرəلى. ونىڭ ايتۋىنشا, سايتتا 2017 جىلدىڭ قاڭتار ايىنان جەلتوقسانعا دەيىنگى ارالىقتا 6,3 ملن. سەانس بولىپ, سايتتاعى گازەت ماتەريالدارى 12 ميلليون رەت وقىلعان. 2016 جىلمەن سالىستىرعاندا پايدالانۋشىلار 320 مىڭعا, سەانس سانى 3 ميلليونعا, وقىلعان ماقالا سانى 6 ميلليونعا ارتقان. سونىمەن قاتار سايتتىڭ اعىلشىن تىلىندەگى نۇسقاسى ىسكە قوسىلعالى بەرى فرانتسيا, اقش, گەرمانيا, قىتاي جانە تۇركيا سىندى ەلدەردەن وقىلىم كورسەتكىشى ۇلعايعان.
گۇلنۇر قۋانىشبەكقىزى,
"ەگەمەن قازاقستان"
