كونفەرەنتسيا بارىسىندا باسقارما توراعاسى دارحان قىدىرəلى "ەگەمەن قازاقستان" گازەتىنە مەملەكەتتەن بولىنەتىن قارجى كولەمى سوڭعى 4 جىلدا وزگەرمەگەنىن, بىراق وسى جىلدار ىشىندە قاعازدىڭ, بوياۋدىڭ باعاسى, باسپاحانا قىزمەتى بىرنەشە ەسەگە ءوسىپ كەتكەنىن, سوندىقتان باسىلىم جاڭا ماركەتينگتىك ساياساتتى قولعا الىپ, گازەتتىڭ جارنامادان تۇسەتىن تابىسىن ۇلعايتۋعا كۇش سالعانىن ايتتى. "سونىڭ نəتيجەسىندە جارناما مەن اقىلى قىزمەتتەن تۇسەتىن تابىس 2017 جىلى (2016 جىلمەن سالىستىرعاندا) 16 پايىزعا ءوستى. ءبىز وسى ورايدا كورپوراتيۆتى كليەنتتەرمەن جۇمىستى كۇشەيتىپ, جارنامانىڭ ساپالىق جانە ديزايندىق مازمۇنىن بايىتۋدى جالعاستىرۋدى كوزدەپ وتىرمىز. ماسەلەن, جىل باسىنان بەرى شەۆرون جانە تويوتا سەكىلدى ءىرى ترانسۇلتتىق كورپوراتسيالار گازەتىمىزگە جارنامالىق ماتەريالىن شىعارىپ ۇلگەردى", دەي كەلە دارحان قىدىرəلى گازەت 24 جىلدان كەيىن, ياعني 2017 جىلعى قاراشادان باستاپ كيوسكىلەر جەلىسىندە ساتىلا باستاعانىن اتاپ ءوتتى. ونىڭ ايتۋىنشا, بىلتىر 80 كيوسكىدە ساتىلا باستاسا, بيىل بۇل كورسەتكىشتى جۇزگە جەتكىزۋ جوسپارلانعان. بۇدان بولەك "ەگەمەن قازاقستان" گازەتى كوپشىلىك ورىنداردا دا تاراتىلىپ جاتىر.
گۇلنۇر قۋانىشبەكقىزى,
"ەگەمەن قازاقستان"
