ءىس-شاراعا «مەملەكەتتىك الەۋمەتتىك ساقتاندىرۋ قورى» اق-نىڭ پرەزيدەنتى ساۋلە دۇيسەنوۆا جانە باسقارۋشى ديرەكتورى نۇرسۇلۋ كەمەل قاتىستى. جيىن بارىسىندا ساۋلە دۇيسەنوۆا 2017 جىلى 772 مىڭنان استام قازاقستاندىقتار مەملەكەتتىك الەۋمەتتىك ساقتاندىرۋ قورىنان 156,5 ملرد. تەڭگە مولشەرىندە الەۋمەتتىك تولەمدەر العانىن مالىمدەدى.
«2017 جىلى 772 مىڭنان استام قازاقستاندىقتار مەملەكەتتىك الەۋمەتتىك ساقتاندىرۋ قورىنان 156,5 ملرد. تەڭگە مولشەرىندە الەۋمەتتىك تولەمدەر الدى. جۇكتىلىك پەن بوسانۋعا, جاڭا تۋعان بالانى اسىراپ الۋعا جۇمسالعان قارجى 62,2 ملرد. تەڭگەگە جەتسە, بالانىڭ ءبىر جاسقا تولۋىنا بايلانىستى كۇتىمىنە 74,1 ملرد., ەڭبەككە جارامسىزدىققا قاتىستى 9,9 ملرد., اسىراۋشىسىنان ايىرىلۋ بويىنشا 7,8 ملرد. جانە جۇمىسسىز قالۋعا قاتىستى 2,1 ملرد تەڭگە قاراستىرىلعان. 2018 جىلى 1 قاڭتارداعى جاعداي بويىنشا قازاقستاندا 5,9 ملن. ادام ءۇشىن الەۋمەتتىك اۋدارىمدار جاسالدى. الەۋمەتتىك اۋدارىمدار جۇمىسشىنىڭ ەڭبەكاقىسىنان ۇستالىنبايدى, ولار جۇمىس بەرۋشىنىڭ قارجىسى ەسەبىنەن تولەنەدى. دەمەك جۇمىسشى ءوز مەنشىك قاراجاتىن جۇمسامايدى. الەۋمەتتىك اۋدارىمداردىڭ مولشەرلەمەسى تابىستىڭ 3,5 پايىزىن قۇرايدى. الەۋمەتتىك تولەمدەردىڭ ساتىپ الۋ قابىلەتتىلىكتەرىن قولداۋ ماقساتىندا ماكروەكونوميكالىق پارامەترلەردىڭ وزگەرىستەرىن, ونىڭ ىشىندە قۇنسىزدانۋلاردى ەسكەرە وتىرىپ, ماسق اكتيۆتەرىنىڭ ەسەبىنەن ءار جىل سايىن ەڭبەك ەتۋ قابىلەتىنەن جانە اسىراۋشىسىنان ايىرىلۋى بويىنشا تولەمدەردىڭ مولشەرى ءوسىپ وتىراتىنىن اتاپ ءوتۋ قاجەت. 1 قاڭتاردان باستاپ وسى ساناتتاعى 100 مىڭعا جۋىق تولەم الۋشىلارعا الەۋمەتتىك تولەمدەر مولشەرى 16 پايىزعا ارتتىرىلدى», دەدى ول
مىندەتتى الەۋمەتتىك ساقتاندىرۋ – بۇل ەڭبەك ەتۋ قابىلەتىنەن, وتباسى اسىراۋشىسىنان, جۇمىسىنان ايىرىلعاندا, جۇكتىلىگىنە جانە بوسانۋىنا بايلانىستى نەمەسە جاڭا تۋعان بالانى اسىراپ العاندا, سونىمەن قاتار بالا 1 جاسقا تولعانعا دەيىنگى كۇتىمىنە بايلانىستى تابىسىنان ايىرىلعان جاعداي تۋىنداعاندا, جۇمىس ىستەيتىن حالىقتى قولداۋ ءۇشىن قوسىمشا قورعاۋ دەڭگەيى ەكەنىن اتاپ وتكەن ءجون.
«وسى اتالعان جاعدايلاردا جۇيەگە قاتىسۋشى نەمەسە ونىڭ وتباسى مەملەكەت تولەيتىن الەۋمەتتىك جاردەماقىلارعا قوسىمشا ماسق الەۋمەتتىك تولەمدەر الادى. قازاقستاندا مىندەتتى الەۋمەتتىك ساقتاندىرۋ جۇيەسى ەنگىزىلگەن ساتتەن باستاپ 4 ملن. جۋىق ادام ماسق-نان جالپى سوماسى 905 ملرد. تەڭگەدەن استام الەۋمەتتىك تولەمدەر الدى», دەدى «مەملەكەتتىك الەۋمەتتىك ساقتاندىرۋ قورى» اق-نىڭ پرەزيدەنتى ساۋلە دۇيسەنوۆا.
اق-نىڭ پرەزيدەنتى ساۋلە دۇيسەنوۆا جانە باسقارۋشى ديرەكتورى نۇرسۇلۋ كەمەل ەلىمىزدە انا مەن بالانى الەۋمەتتىك قولداۋ تۇراقتى جۇرگىزىلىپ كەلە جاتقانىن تىلگە تيەك ەتتى.
«ەلىمىزدە انا مەن بالانى قولداۋ ماسەلەسى كەشەندى تۇردە قولعا الىنعان. بۇل تۇستا 2008 جىلى جۇكتىلىكپەن 1 جاسقا دەيىنگى بالا كۇتىمىنە بايلانىستى الەۋمەتتىك تولەمدەردى مىندەتتى الەۋمەتتىك ساقتاندىرۋ قورىنان جۇمىس ىستەيتىن ازاماتتارعا تاعايىنداۋ ەنگىزىلگەن. بيىل وعان 10 جىل بولدى. وسى ورايدا انا بولامىن دەگەن ايەل جۇمىس ىستەيتىنىنە نەمەسە جۇمىس ىستەمەيتىنىنە بايلانىستى ءتيىستى الەۋمەتتىك تولەمدەرىن الادى. ەگەر انا بوسانعاننان كەيىن جۇمىس ىستەمەيتىن بولسا, وندا جۇمىس ىستەمەيتىن انا رەتىندە مەملەكەتتىك جاردەم اقى قاراستىرىلعان. ياعني, بالانىڭ تۋىلۋىنا وراي بالانىڭ رەتىنە بايلانىستى 1 جانە 2-ءى,3-ءى بالا بولسا, ءتيىستى مولشەردە ءبىر رەتتىك مەملەكەتتىك جاردەماقىنى الادى. بۇل بيىلعى جىلى 91 390 تەڭگەنى قۇرايدى. كەيىنگى الاتىنى بالا تۋىلعاننان كەيىن, تۋ تۋرالى كۋالىگىن بەرىپ, 1 جاسقا دەيىنگى بالا كۇتىمىنە بايلانىستى, بالانىڭ سانىنا بايلانىستى 13 853 تەڭگەدەن باستاپ, 21 405 تەڭگە ارالىعىندا جاردەماقىنى الا الادى. ال ەگەر جۇمىس ىستەيتىن انا بولسا, وندا ول جۇكتىلىكتىڭ 30 اپتاسىنان كەيىن بارىپ ەڭبەك زاڭناماسىنا سايكەس جۇمىس بەرۋشىگە بارىپ, ءتيىستى جۇكتىلىككە بايلانىستى دەمالىسقا شىعادى. بۇل دەمالىس قالىپتى جاعداي 126 كۇنگە بەرىلەدى. وسى ۋاقىت ارالىعىندا ايەل ۇيىندە وتىراتىن بولعاندىقتان, وسى ارالىقتا ونىڭ تابىسى بولمايدى. وسى تابىستى وتەۋ ءۇشىن مىندەتتى الەۋمەتتىك ساقتاندىرۋ قورىنان جۇكتىلىككە جانە بوسانۋىنا بايلانىستى ءبىر رەتتىك الەۋمەتتىك تولەم قاراستىرىلعان. ياعني جۇكتىلىكپەن بايلانىستى وتىرعان بارلىق كۇندەگى تابىسىن وسى قور ارقىلى وتەي الادى. سايكەسىنشە بالا تۋىلعاننان كەيىن بالانىڭ تۋىلۋىنا وراي مەملەكەتتى جاردەم اقى بار. ول دا بالانىڭ سانىنا بايلانىستى, 1,2,3-ءى بالاعا 91 390 تەڭگەنى قۇرايدى. ال 4-ءى جانە ودان دا كوپ بالا بولسا, وندا 151 515 تەڭگەنى قۇرايدى», دەپ اتاپ ءوتتى ول.
