وعان وسىدان ءبىر-ەكى اي بۇرىن وزدەرىندە وتكىزىلىپ جاتقان كونكۋرسقا قاتىسىپ, باق سىناماق نيەتتە جولدانعان بىرنەشە فوتوسۋرەت سەبەپ بولسا كەرەك. حاتتا يۋنەسكو-نىڭ ورتالىق ازياداعى بيۋروسىنىڭ باسشىسى جانە وكىلى كريستا پيككات حانىم شتاب-پاتەرىنە شاقىرىپ, اتالمىش سۋرەتتەردىڭ كۇنتىزبەگە ەنگەنىن ايتتى. كۇنتىزبە بۇۇ-عا مۇشە 193 ەلگە تۇگەل تارايدى. جانە فرانتسيا مەملەكەتىنىڭ پاريجدەگى شتاب-پاتەرىنە دە جىبەرىلەدى.
كۇنتىزبەدە اتى-ءجونىمىز جازىلعان. ودان بولەك, كۇنتىزبەگە قازاقستاندىق بالدىرعانداردىڭ, ولاردىڭ مەرەكەدە ءان سالعانى, جاي عانا مەرەكە ەمەس, ناۋرىز مەيرامىنىڭ تاڭدالۋى ءبىزدى قاتتى قۋانتتى. ءاسىلى شەتەلگە ءبىزدىڭ ۇلتتىق ناقىشتاعى بوياۋى قانىق ءداستۇرلى مەيرامىمىزدىڭ ءوتۋ بارىسى ۇناعان. قازاقتىڭ جاڭا جىلى, ۇلتتىق كويلەك كيگەن بالدىرعانداردىڭ سۋرەتتەرى سوناۋ پاريج تورىندە ءىلىنىپ تۇراتىنى ءبىز ءۇشىن ارينە, قۋانىشتى جاعداي. بۇل جۇمىستاردىڭ بارلىعى ەلباسىمىزدىڭ «رۋحاني جاڭعىرۋ» باعدارلاماسىنا ساي كەلىپ تۇر. «سۋرەتتەر سويلەيدى» دەگەن وسى بولار, فوتو ونەرىندەگى ءبىر عانا ءتىل وسىلاي ءوزارا تۇسىنىستىك تاپقان. بۇدان ءبىز سۋرەت ونەرى ارقىلى دا ەل مەن ەلدىڭ مادەنيەتىن كورسەتىپ, سالت-ءداستۇرىمىزدى كەڭىنەن تانىتۋعا بولاتىنىن اڭعارامىز.
مارات جۇنىسبەكوۆ
