ءىس-شارا جاستاردى مەملەكەت باسشىسىنىڭ «تاۋەلسىزدىك ءداۋىرى» اتتى كىتابىمەن تانىستىرۋعا جانە ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋىن تالداۋعا باعىتتالدى.
قازۇاۋ تاربيە جانە الەۋمەتتىك جۇمىستار جونىندەگى پرورەكتورى جانار داۋرەنباەۆا دوڭگەلەك ۇستەلدى اشا وتىرىپ, ءىس-شارانىڭ ۋنيۆەرسيتەت جاستارىن قازاقستاننىڭ قالىپتاسۋ جانە دامۋ كەزەڭدەرىمەن تولىققاندى تانىستىرۋ ماقساتىنا نەگىزدەلگەنىن اتاپ ءوتتى.
ەلباسى كىتاپحاناسى ديرەكتورىنىڭ ورىنباسارى, تاريح عىلىمدارىنىڭ كانديداتى بوتاگوز قايىپوۆا ونلاين ۇلگىدە مەملەكەت باسشىسىنىڭ «تاۋەلسىزدىك ءداۋىرى» كىتابىن كوپشىلىك نازارىنا ۇسىندى.
– نۇرسۇلتان ءابىش ۇلى نازارباەۆتىڭ اتالمىش كىتابى – تاريحي پۋبليتسيستيكا ۇلگىسىندە جازىلعان ىرگەلى ەڭبەك. ول تۇسىنۋگە جەڭىل تىلدە جاس, ەگەمەن مەملەكەتتىڭ 26 جىل ىشىندە باستان كەشىرگەن قۇرىلۋ كەزەڭدەرىن سيپاتتاپ, كۇردەلى سىن ساتتەرىن باياندايدى. تاۋەلسىزدىك تاريحىن تۇسىندىرە وتىرىپ, ەلباسى مەملەكەت پەن قوعامعا ناقتى تالداۋ جاسايدى. بەتتەردى كەزەك-كەزەگىمەن مۇقيات وقىعان ادام ەلىمىزدە قىسقا ۋاقىت ىشىندە ءجۇز جىلعا تاتيتىن وزگەرىستەر مەن رەفورمالاردىڭ ورىندالعانىن تۇسىنەدى. بۇل جەتىستىكتەر پرەزيدەنتىمىز باستاعان قازاقستاندىقتاردىڭ ۇلكەن جەڭىسى. ەلباسى تاريحىمىزدىڭ كۇردەلى كەزەڭدەرىن سيپاتتاي كەلە, سەرپىلىس ءۇشىن قازاقستاننىڭ داعدارىستى ۇتىمدى پايدالانعانىن ايتىپ جاس ۇرپاقتى قاناتتاندىرادى. ەلىمىزدى عانا ەمەس, كۇللى الەمدى ويلاندىرعان ماسەلەلەر دە بۇگىنگى سەرپىلىس ءۇشىن قولدانىلدى. «قازاق بارىسىنىڭ» كۇشى مەن ەرەكشەلىگى دە وسى. مۇنىڭ ءبارى ەلباسى كىتابىندا بەلگىلەنگەن, – دەدى بوتاگوز مۇتتاحيدەنقىزى.
مەملەكەت باسشىسىنىڭ جىل سايىنعى جولداۋىندا بەلگىلەنگەن نەگىزگى ون مىندەتتى ءتۇسىندىرۋ ماقساتىندا «نۇر وتان» پارتياسى مەدەۋ اۋداندىق فيليالى توراعاسىنىڭ ءبىرىنشى ورىنباسارى مەرۋەرت مۇقانوۆا, «جاس وتان» جاستار قاناتى الماتى قالالىق فيليالىنىڭ توراعاسى ءمادي احمەتوۆ, قازۇاۋ «رۋحاني جاڭعىرۋ» گۋمانيتارلىق زەرتتەۋلەر ورتالىعىنىڭ جەتەكشىسى, اكادەميك حانكەلدى ءابجانوۆ ءسوز سويلەدى. دوڭگەلەك ۇستەل بارىسىندا پروفەسسورلار مەن وقىتۋشىلار, بەلسەندى ستۋدەنتتەر, ماگيسترانتتار مەن دوكتورانتتار قاتىستى.
شارانى قورىتىندىلاعان جانار داۋرەنباەۆا جاستار ءۇشىن مەملەكەتتىڭ دامۋ تاريحى ماڭىزدى ەكەنىن العا تارتتى. وسى تۇستا ەلباسىنىڭ ەڭبەگى مەملەكەتتىلىكتىڭ قالىپتاسۋىندا جاۋاپتى ءرول اتقارىپ, قازاقستان كادرلارىن دايىنداۋ جۇيەسىنىڭ باعدارلاماسىنان ورىن تاباتىنى ايتىلدى.
دوڭگەلەك ۇستەل قاتىسۋشىلارى پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن بۇگىنگى الەمدە ءومىر سۇرۋگە قاجەتتى جول-باعدارعا تەڭەدى.
«ەگەمەن-اقپارات»
