جيىننىڭ مودەراتورى رەتىندە ءسوز باستاعان ەلباسى كىتاپحاناسى ديرەكتورىنىڭ ورىنباسارى ءامىرحان راحىمجانوۆ جولداۋدا ايتىلعان ءبىلىم بەرۋدىڭ وزىق جۇيەسىن قۇرۋ ماسەلەسىنە ايرىقشا توقتالدى. «مەكتەپكە دەيىنگى ءبىلىم بەرۋ جۇيەسىنەن باستاپ جوعارى ءبىلىم بەرۋ جۇيەسىنە دەيىنگى باعدارلامالاردىڭ ماقساتى – وزگەرىستەرگە بەيىم بولۋ جانە جاڭا ءبىلىمدى مەڭگەرە ءبىلۋ قابىلەتتەرىن دامىتۋ بولىپ وتىر. دەمەك, جولداۋدا كوزدەلىپ وتىرعان جاڭا ءبىلىم بەرۋ جۇيەسىن ينۆەستيتسيالىق جوبالارى مەن ەكسپورتتىق الەۋەتى بار ەكونوميكانىڭ ءبىر سالاسى دەپ قاراستىرۋعا بولادى», دەدى ول.
باسقوسۋدا «جاستار» عىلىمي-زەرتتەۋ ورتالىعى ديرەكتورىنىڭ عىلىم جونىندەگى ورىنباسارى ءا.قايداروۆا, الەمدىك ەكونوميكا جانە ساياسات ينستيتۋتىنىڭ جەتەكشى ساراپشىسى ا.مۇقىشباەۆا, ەلباسى كىتاپحاناسى ۇيىمداستىرۋ قىزمەتىنىڭ باسشىسى ج.قۋانىشەۆ, ەلباسى كىتاپحاناسىنىڭ جەتەكشى عىلىمي قىزمەتكەرى س.بەرداگۋلوۆا, قازاقستان ستراتەگيالىق زەرتتەۋلەر ينستيتۋتى الەۋمەتتىك-ەكونوميكالىق زەرتتەۋلەر ءبولىمىنىڭ اعا عىلىمي قىزمەتكەرى ا.الشانسكايا جولداۋ باسىمدىقتارىنىڭ ماڭىزدىلىعى جونىندە بايانداما وقىدى.
– مەملەكەت باسشىسى جولداۋدا ادامي كاپيتالدى دامىتۋ ماسەلەسىنە زور كوڭىل ءبولدى. ونى قالىپتاستىرۋ العىشارتتارىنىڭ ءبىرى – ساپالى ءبىلىم بەرۋ جۇيەسىن قۇرۋ. دەمەك, نەگىزگى وزگەرىستەر پەداگوگتار مەن جاستار قاۋىمىنا بايلانىستى بولۋى ءتيىس. ولار – جاڭا قازاقستان قوعامىن قالىپتاستىرۋدىڭ نەگىزگى فاكتورى, – دەدى مەملەكەت تاريحى ينستيتۋتى ديرەكتورىنىڭ ورىنباسارى امانگەلدى قاشقىمباەۆ.
سونىمەن قاتار جيىن بارىسىندا ەلباسى كىتاپحاناسى ديرەكتورىنىڭ ورىنباسارلارى ت.شايمەرگەنوۆ جانە ب.قايىپوۆا قۇجاتتىڭ ستراتەگيالىق ماڭىزدىلىعىنا كەڭىنەن توقتالدى.
نۇرلىبەك دوسىباي,
«ەگەمەن قازاقستان»
