كەلىسسوزدەر استانا مەن افينا اراسىندا ەكىجاقتى ىنتىماقتاستىقتىڭ بارلىق كەشەنى بويىنشا ءوزارا تۇسىنىستىكتى راستادى. بىرلەسكەن جۇمىستىڭ پەرسپەكتيۆالىق باعىتتارى انىقتالىپ, ەكونوميكالىق جانە ينۆەستيتسيالىق ءوزارا ارەكەتتەستىكتى تەرەڭدەتۋ جوبالارى قاراستىرىلدى.
ەۋروپالىق وداقتىڭ قازاقستان ازاماتتارى ءۇشىن ۆيزالىق رەجىمدى جەڭىلدەتۋ ماسەلەسىنە دە نازار اۋدارىلدى. تاراپتار ۆيزالىق راسىمدەردى وڭايلاتۋ ەۋرووداق پەن قازاقستان اراسىندا ىسكەرلىك, ءبىلىم, مادەني جانە تۋريستىك بايلانىستاردى كەڭەيتۋدە ءوزارا مۇددەلەرگە ساي كەلەتىنىن ءبىراۋىزدان ماقۇلدادى.
حالىقارالىق كۇن ءتارتىبىنىڭ وزەكتى ماسەلەلەرى بويىنشا كەڭىنەن پىكىر الماسىلدى, سونىڭ ىشىندە قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتى, سيرياداعى جاعدايدى رەتتەۋ جونىندەگى استانا پروتسەسى, ەۋروپالىق وداق پەن ەۋرازيالىق ەكونوميكالىق وداق اراسىنداعى ءوزارا ارەكەتتەستىكتىڭ پەرسپەكتيۆالارى جانە ت.ب. باعىتتار بار.
ساپار شەڭبەرىندە قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ارىستان قابىكەنوۆ پەن گەورگيوس كاترۋگالوستىڭ قاتىسۋىمەن ەكى ەلدىڭ 100-گە جۋىق كاسىپكەرلەرىن بىرىكتىرگەن قازاقستان-گرەكيا بيزنەس-فورۋمى وتكىزىلدى. ءىس-شارا بارىسىندا قازاقستاننىڭ سىرتقى ساۋدا پالاتاسى مەن «SEV» گرەكيا كاسىپورىندارى فەدەراتسياسى ىنتىماقتاستىق تۋرالى كەلىسىمگە قول قويدى.
سونىمەن قاتار گ.كاترۋگالوستىڭ قازاقستان رەسپۋبليكاسى اۋىل شارۋاشىلىعى ۆيتسە-ءمينيسترى گۇلميرا يساەۆامەن جانە «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆپەن كەزدەسۋلەرى ءوتتى.
گ.كاترۋگالوس قازاقستاننىڭ ميتروپوليتتىك ايماعىنىڭ اكىمشىلىك ورتالىعى مەن ۋسپەن كافەدرالدى سوبورىنا باردى. ولاردى ارالاۋ بارىسىندا گرەكيالىق مەيمان مەملەكەت باسشىسى نۇرسۇلتان نازارباەۆتىڭ قولداۋىمەن سالىنعان قۇرىلىستىڭ تاريحىمەن تانىستى. گرەكيا سىرتقى ىستەر ءمينيسترىنىڭ ءبىرىنشى ورىنباسارى ەلىمىزدىڭ ۇلتارالىق بەيبىتشىلىك پەن دىنارالىق كەلىسىمدى نىعايتۋ بويىنشا جەتىستىكتەرىن جوعارى باعالادى.
ايتا كەتەتىن بولساق, 2017 جىلى قازاقستان مەن گرەكيا اراسىنداعى تاۋار اينالىمى 2016 جىلمەن سالىستىرعاندا 10,6% ءوستى (980,6 ملن دولل.)
قازاقستاننان گرەكياعا نەگىزگى ەكسپورتتالاتىن ونىمدەر كومىرسۋتەگى, ءداندى داقىلدار, تۇز, توپىراق, تاس, گيپس, تسەمەنت, مىس جانە ت.ب. بولىپ تابىلادى.
ءوز كەزەگىندە, گرەكيادان قازاقستانعا حيميالىق جانە مەتاللۋرگيالىق ونەركاسىپ ونىمدەرى, پلاستيك, تون جانە توقىما بۇيىمدارى, اياق-قيىم, مەحانيزم مەن جابدىقتار, ەلەكتروندى ماتەريالدار, ۆەلوسيپەد جانە ت.ب. يمپورتتالادى.
