بۇل تۋرالى بۇگىن وڭىرلىك كوممۋنيكاتسيالار ورتالىعىندا وتكەن ءباسپاسوز ءماسليحاتىندا الماتى وبلىستىق كاسىپكەرلەر پالاتاسىنىڭ ديرەكتورى ناريمان ابىلشايىقوۆ مالىمدەدى.
- شاعىمداردىڭ 80 پايىزى وڭ ناتيجەمەن شەشىلدى. مىسالى «سارىوزەك مۇناي ونىمدەرى» كومپانياسىنىڭ قۇجاتتارىندا ورىن العان كەزدەيسوق قاتە جازۋ ءۇشىن 5 ملن تەڭگەنىڭ ايىپپ ۇلى سالىنا جازدادى. ءبىزدىڭ قولداۋىمىزدان كەيىن شەكتەۋ تۋرالى قاۋلى الىنىپ تاستالدى. اكىمشىلىك كەدەرگىلەردى ازايتۋ ماقساتىندا ءبىز قوعامدىق مونيتورينگ پەن كاسىپكەرلەردىڭ وتىنىشتەرىنە تالداۋ جۇرگىزەمىز.وتكەن جىلى قىرىققا جۋىق اكىمشىلىك كەدەرگى انىقتالىپ, ونىڭ ون ءۇشى جويىلدى. دامۋ ينستيتۋتتارىنىڭ, قارجىلاي قولداۋ قۇرالدارىنىڭ جۇمىس جاساپ جاتقانىنا قاراماستان, كەيبىر ورگاندار وسى سەكتورداعى بىرقاتار پروبلەمالاردىڭ سەبەپكەرى بولىپ وتىر. ماسەلە ادام فاكتورىنا عانا ەمەس, سونىمەن قاتار زاڭداعى كەدەرگىلەرگە دە تىرەلىپ تۇر,- دەيدى ناريمان ابىلشايىقوۆ.
سونداي-اق, وبلىستىق كاسىپكەر پالاتاسىنىڭ ۇيىتقى بولۋىمەن «بيزنەستىڭ جول كارتاسى-2020» مەملەكەتتىك باعدارلاماسىنىڭ بيزنەسكە سەرۆيستىك قولداۋ مەن اقپاراتتىق قامتاماسىز ەتۋ باعىتى بويىنشا بىرقاتار جۇمىس ىستەلگەنى ايتىلدى. وتكەن مەرزىمدە كاسىپكەرلىككە قولداۋ كورسەتۋ ورتالىقتارىندا 6 437 كاسىپكەرگە 8086 سەرۆيستىك قىزمەت كورسەتىلىپ, 17 884 بيزنەس وكىلىنە 22 838 رەت اقپاراتتىق كەڭەس بەرىلگەن. جالپى قۇنى 5 ملرد تەڭگەدەن اساتىن 432 بيزنەس-جوسپار ازىرلەنىپ, ونىڭ ىشىندە 68 جوبا توپ جارىپ, 217,1 ملن تەڭگەگە قارجىلاندىرىلعان.
قالماحانبەت مۇقامەتقالي,
«ەگەمەن قازاقستان».
الماتى وبلىسى.
