اشىلۋ سالتاناتىنا قاتىسقان وڭتۇستىك قازاقستان وبلىسىنىڭ اكىمى جانسەيىت تۇيمەباەۆ حالىقتىڭ دەنساۋلىعىن ساقتاۋ – مەملەكەت ءۇشىن اسا ماڭىزدى ماسەلە بولىپ تابىلاتىنىن ايتتى.
- جولداۋدا مەملەكەت باسشىسى تيىمدىلىگى از جانە مەملەكەت ءۇشىن شىعىنى كوپ ديسپانسەرلىك ەم قولدانۋدان نەگىزگى سوزىلمالى اۋرۋلارعا الىستان دياگنوستيكا جاساپ, سونداي-اق وسى سالانى امبۋلاتورلىق ەمدەۋ ارقىلى باسقارۋعا كوشۋ قاجەت ەكەنىن اتاپ وتكەن بولاتىن. ياعني, مەديتسينا مەكەمەلەرى وزىق مەديتسينالىق قۇرال جابدىقتارمەن قامتاماسىز ەتىلىپ, دارىگەرلەر حالىققا ساپالى قىزمەت كورسەتۋى ءتيىس.
وسى باعىتتاعى جۇمىستاردى جانداندىرۋ ماقساتىندا وبلىس اكىمدىگى تاراپىنان ءتيىستى جۇمىستار اتقارىلىپ جاتىر. ماسەلەن, مەديتسينالىق تىرەكتەردىڭ قۇرىلىسىن جۇرگىزۋگە مودۋلدىك كونسترۋكتسيا ۇلگىسى ۇسىنىلىپ وتىر. مودۋلدىك كونسترۋكتسيانى قۇراستىرۋ ءتاسىلى ۋاقىتتى جانە بيۋدجەت قاراجاتىن ءتيىمدى جۇمساۋعا وڭ اسەرىن تيگىزەدى. وسىنداي مەديتسينالىق تىرەكتە ناۋقاستارعا ءبىرىنشى مەديتسينالىق سانيتارلىق كومەك كورسەتىلەتىن بولادى, - دەدى وبلىس اكىمى.
2017 جىلى وبلىس بويىنشا 33 دەنساۋلىق ساقتاۋ نىسانى پايدالانۋعا بەرىلگەن بولاتىن. جالپى, وڭتۇستىك قازاقستان وبلىسى بويىنشا 846 مەديتسينالىق نىسان بار بولسا, ونىڭ ىشىندە 225-ءى مەديتسينالىق تىرەك بولىپ تابىلادى.
باقتيار تايجان
«ەگەمەن قازاقستان»
وڭتۇستىك قازاقستان وبلىسى
