- ەلباسى بيىلعى حالىققا ارناعان جولداۋىندا مەگاپوليس قالالاردىڭ پروبلەمالارىن ءتيىمدى شەشۋ ءۇشىن «سمارت سيتي» تۇجىرىمداماسى مەن قالالىق ورتانى باسقارۋدىڭ كەشەندى ءتۇرىن ەنگىزۋ قاجەت ەكەنىن ايتقان بولاتىن. وسى رەتتە ميلليونعا تارتا تۇرعىنى بار شىمكەنت قالاسىن اقىلدى قالاعا اينالدىرۋ - كەزەك كۇتتىرمەيتىن ماسەلەنىڭ ءبىرى. سونىڭ ءبىرى جولاۋشىلار تاسىمالدايتىن اۆتوبۋستاردى جاڭالاۋ, ياعني وزدەرىڭىز ايتىپ وتىرعانداي سوڭعى ۇلگىدەگى تەحنولوگيالاردىڭ كومەگىمەن حالىقتىڭ ءجۇرىپ-تۇرۋىن جەڭىلدەتۋىمىز قاجەت, - دەدى جانسەيىت قانسەيىت ۇلى.
فورۋمعا ەلىمىزدەن بولەك رەسەي, بەلورۋس, وزبەكستان جانە قحر-ءدىڭ اۆتوبۋس قۇراستىرۋشى زاۋىتتارىنىڭ وكىلدەرى ارنايى كەلگەن. شارانىڭ ماقساتى – شاھارداعى جولاۋشىلار تاسىمالداۋ قىزمەتىنىڭ ساپاسىن ارتتىرۋ. ءاربىر قاتىسۋشى وزدەرى ءوندىرىپ وتىرعان اۆتوبۋستاردىڭ ساپاسى جوعارى, ءتيىمدى باعادا ەكەنىن ايتادى. ولاردىڭ ايتۋىنشا, قوعامدىق كولىككە ورناتىلعان مونيتورينگ, تولەم, «GPS» جۇيەلەرى مەن ءموبيلدى قوسىمشالار جولاۋشىلارعا كورسەتىلەتىن قىزمەتتىڭ ساپاسىن جاقسارتۋعا مول مۇمكىندىك بەرەدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
