بۇگىن 2018 جىلدىڭ 1 اقپانىندا پرەزيدەنت جارلىعىمەن تاعايىندالعان پارلامەنت سەناتىنىڭ دەپۋتاتىن تىركەۋ بويىنشا بەرىك يماشەۆتىڭ توراعالىعىمەن ورتالىق سايلاۋ كوميسسياسىنىڭ وتىرىسى ءوتتى.
ورتالىق سايلاۋ كوميسسياسى وتىرىسىندا مۇحتار ابرار ۇلى قۇل-مۇحاممەدتى قر پارلامەنتى سەناتىنىڭ دەپۋتاتى رەتىندە تىركەۋ جونىندە قاۋلى قابىلداندى.
سونىمەن قاتار, وتىرىستا قر پارلامەنتى ءماجىلىسىنىڭ دەپۋتاتى ماۋلەن ساعاتحان ۇلى اشىمباەۆتىڭ وكىلەتتىلىگىن توقتاتۋ ماسەلەسى دە قاراستىرىلدى. ءوتىنىش بويىنشا ماۋلەن اشىمباەۆتىڭ قر پارلامەنتى ءماجىلىسىنىڭ دەپۋتاتتىق وكىلەتتىلىگى مەرزىمنەن تىس توقتاتىلادى.
قر كونستيتۋتسياسى 52-بابىنىڭ 5-تارماعىنا سايكەس, قر 1995 جىلعى 25 قازانداعى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ ماپتەبەسى» تۋرالى كونستيتۋتسيالىق زاڭعا سايكەس جانە م.اشىمباەۆتىڭ وتىنىشى نەگىزىندە, قر وتالىق سايلاۋ كوميسسياسى قر پارلامەنتى ماجىلىسىنە اشىمباەۆ ماۋلەن ساعاتحان ۇلىنىڭ وكىلەتتىلىگىن مەرزىمنەن تىس توقتاتۋ ماسەلەسى بويىنشا ۇسىنىم جونەلتەدى.
