جيىندا «قازكونتەنت» اق باسقارما توراعاسى ەۆگەني كوچەتوۆ: «2017 جىل «قازكونتەنت» اق ءۇشىن تابىستى بولدى. العا قويىلعان مىندەتتەر ورىندالىپ, جوسپارلانعان جوبالار جۇزەگە استى. سونىمەن قاتار 2018 جىلى «قازاقستاننىڭ 100 جاڭا ەسىمى» جالپىۇلتتىق جوباسى اياسىنداعى جۇمىستار جالعاسىن تاپپاق. وسىعان ساي جاڭا يدەيالار مەن تاجىريبە الماسۋ ماقساتىندا وفلاين ءىس-شارا ۇيىمداستىرۋ, سونداي-اق قازاقستاننىڭ زاماناۋي كەيىپكەرلەرىنىڭ ومىرىنەن الىنعان جاڭا ءارى قىزىقتى فاكتىلەردى بىلۋگە مۇمكىندىك بەرەتىن بىرەگەي كونتەنتتى قۇرۋ جوسپارلانۋدا», دەدى.
سونىمەن قاتار ول «El.kz» پورتالىنىڭ «ليتسا ستوليتسى» جوباسىندا ءوزىنىڭ كۇندەلىكتى ەڭبەگىمەن قالانىڭ دامۋىنا ءوز ۇلەسىن قوسقان استانالىقتار جايلى كورسەتىلەتىنىن جەتكىزدى.
«Kaztube.kz» بەينە-پورتالى تۋرالى ايتاتىن بولسام, وسى جىلدىڭ 25 قاڭتارىندا بۇل پورتال «مەن – ءموبيلدى رەپورتەرمىن» اتتى كونكۋرستىڭ ىسكە قوسىلۋى تۋرالى حابارلادى. اتالعان جوبا ءبىر اي بويى وتەدى. بايقاۋدىڭ ماقساتى – ۇيالى تەلەفونعا ينتەرنەت جەلىسى قولدانۋشىلارىنىڭ باسىم نازارىنا يە بولا الاتىن بەينەنى ءتۇسىرۋ. ال ەڭ رەزونانستى ۆيدەو اۆتورى 200 000 تەڭگە كولەمىندە اقشالاي سىيلىقتىڭ يەگەرى بولادى», دەدى باسقارما توراعاسى.
ودان باسقا, ە.كوچەتوۆ بەينە-پورتالدا «وليمپيادا قاتىسۋشىلارىن قولدا!» اتتى تاعى ءبىر بايقاۋدىڭ باستالعانى جايىندا حابارلادى. «مۇندا بارلىق قازاقستاندىقتار ءۇشىن, وسى جىلى وتەتىن قىسقى وليمپيا ويىندارىنىڭ بارلىق قاتىسۋشىلارىن قۇتتىقتاپ, جەڭىمپازداردىڭ قولدارىنان ەستەلىك سىيلىقتار الۋ مۇمكىندىگى بەرىلەدى. ول ءۇشىن سىزگە ءوز قولىڭىزبەن قۇتتىقتاۋ ۆيدەوسىن ءتۇسىرىپ, «Kaztube.kz» بەينە-پورتالىنا جۇكتەپ, حالىقتىق داۋىس بەرۋدىڭ قاتىسۋشىسى بولۋىڭىز كەرەك», دەدى ە.كوچەتوۆ.
راۋان قايدار,
«ەگەمەن قازاقستان»
