ءوڭىر باسشىسى ءوز سوزىندە ەلىمىزدىڭ ەرتەڭىنە بالاعان, ءبىلىمدى دە اقىلدى, وتانسۇيگىش جاڭا بۋىندى قالىپتاستىرۋدى ماقسات ەتكەن ءبىلىم بەرۋ سالاسىنىڭ جاڭا باعىتتا ىلگەرى جىلجىپ كەلە جاتقانىن ەرەكشە اتاپ ءوتتى. «نازارباەۆ زياتكەرلىك مەكتەپتەرىنىڭ ەلباسى جولداۋىندا ايتىلعان ءتورتىنشى ونەركاسىپ رەۆوليۋتسياسى جاعدايىندا اتقارىپ جاتقان جۇمىستارى اسا ماڭىزدى. جاستار ءۇشىن بۇل جاڭا ءپىشىم زاماناۋي تۇرعىدا ءبىلىم الۋعا مۇمكىندىك بەرەدى. سىزدەردىڭ تاجىريبەلەرىڭىز بەن جۇمىس ادىستەرىڭىزدى ورتا جانە كاسىبي ءبىلىمنىڭ بارلىق سالالارىنا تاراتۋ كەرەك», دەدى ءوڭىر باسشىسى.
ال «نازارباەۆ زياتكەرلىك مەكتەپتەرى» دببۇ باسقارما ءتورايىمى ك.ءشامشيدينوۆا وقىتۋدىڭ جاڭا ءادىس-تاسىلدەرىن وزگە ءبىلىم مەكەمەلەرىنە ەنگىزۋدىڭ ماڭىزدىلىعىنا توقتالدى. ء«بىزدىڭ نەگىزگى ماقساتىمىز – ءاربىر ناقتى مەكتەپتىڭ الەۋەتىن جوعارىلاتۋ. سوندىقتان وسىمەن ءۇشىنشى جىل قاتارىنان ءبىز ەڭ ۇزدىك مۇعالىمدەر اراسىنان باعالاۋ جۇيەسى ارقىلى ءبىلىم بەرۋ ادىستەمەسى مەن تەحنولوگياسى بويىنشا ترەنەرلەردى دايارلاۋ ۇستىندەمىز», دەدى ك.ءشامشيدينوۆا.
– جالپى, قاراعاندى وبلىسىندا 19 859 مۇعالىم ەڭبەك ەتەدى. بۇگىندە ونىڭ جارتىسىنا جۋىعى (54%) جاڭارتىلعان باعدارلاما بويىنشا وقۋ كۋرسىنان وتكەن. «الايدا بۇل مۇعالىمدەردىڭ ءوزى جۇمىستارىندا قيىندىققا تاپ بولىپ وتىر, – دەيدى وبلىستىق ءبىلىم باسقارماسىنىڭ باسشىسى ەسەنعازى يمانعاليەۆ. – جاڭارتىلعان ءبىلىم مازمۇنى – ول پەداگوگيكالىق تاجىريبەنىڭ وتە كۇردەلى قۇرامداس بولىگى. سوندىقتان بۇل مەموراندۋم ءبىزدىڭ مۇمكىندىكتەرىمىزگە كەڭ ءورىس اشادى».
ەلىمىزدە العاشقى نازارباەۆ زياتكەرلىك مەكتەبى وسىدان 10 جىل بۇرىن پايدا بولسا, قاراعاندىداعى ءبىلىم وشاعى بەس جىلدان بەرى جۇمىس ىستەپ كەلەدى.
بۇگىندە پاندىك مۇعالىمدەر ءۇشىن ونلاين وقىتۋ كۋرستارىنىڭ باعدارلاماسى ازىرلەنگەن. قازىر ەلىمىزدىڭ 170 مىڭنان استام مۇعالىمى وسى باعدارلاما بويىنشا وقىپ جاتىر. ال قاراعاندى وبلىسىندا مۇعالىمدەردىڭ 54%-ى اتالعان بازاعا تىركەلگەن. بيىلدان باستاپ كريتەريلى باعالاۋ جۇيەسى بويىنشا ونلاين كۋرس ىسكە قوسىلدى. «بۇل مەموراندۋم – مۇعالىمدەرگە دەگەن ناقتى ادىستەمەلىك كومەك. ويتكەنى ءبىلىم بەرۋ سالاسىنداعى جاڭارتىلعان مازمۇننىڭ تابىستى بولۋى ەڭ الدىمەن پەداگوگ ماماندارعا تىكەلەي بايلانىستى», دەپ اتاپ ءوتتى ك.ءشامشيدينوۆا.
كەزدەسۋ بارىسىندا وبلىس اكىمى ە.قوشانوۆ الداعى ۋاقىتتا نازارباەۆ زياتكەرلىك مەكتەبىن جەزقازعان قالاسىندا دا اشۋدى ۇسىندى.
قايرات ءابىلدا,
«ەگەمەن قازاقستان»
قاراعاندى
سۋرەتتى تۇسىرگەن دميتري كۋزميچەۆ
