كەني سەگال,
«Publiczone Transportation Ltd.» كومپانياسىنىڭ نەگىزىن قالاۋشى جانە باس ديرەكتورى, يەرۋساليمدەگى «حاداس» كوللەدجىنىڭ ونەركاسىپتىك ديزاين ءبولىمىنىڭ باسشىسى, پروفەسسور (يزرايل):
– مەن قازاقستان پرەزيدەنتى ن.نازارباەۆتىڭ قازاقستان حالقىنا ارناعان بيىلعى جولداۋىن ۇلكەن قىزىعۋشىلىقپەن تانىسىپ شىقتىم. مەملەكەت باسشىسىنىڭ الەمدە بولىپ جاتقان وزگەرىستەردى بايىپتى باعالاي وتىرىپ, تۇتاس مەملەكەتتى دۇرىس دامۋ جولىنا باعىتتاپ وتىرعانىن انىق اڭعاردىم.
كولىك ينفراقۇرىلىمىن دامىتۋ ەلدى ساۋدا-ساتتىققا قولايلى ءارى قولجەتىمدى ەتەدى. جاڭا تەحنولوگيالاردى ەنگىزۋ قازاقستاندى الەمدەگى جەتەكشى مەملەكەتتەردىڭ قاتارىنا قوسادى, ال جەرگىلىكتى يندۋستريانى دامىتۋ حالىقارالىق نارىقتا ساپالى ءارى باسەكەگە قابىلەتتى قازاقستاندىق ءونىمنىڭ مول بولۋىنا الىپ كەلەدى. مەملەكەت تەك جوعارى تەحنولوگيانى تۇتىنۋشى عانا ەمەس, ونى وندىرۋشىگە دە اينالادى. مىنە, وسى اتالعان باعىتتار بويىنشا قازاقستاندا كوپتەگەن شارالار جۇزەگە اسىرىلۋدا.
مەن ءوزىمدى قازاقستاننىڭ دامۋىنا ۇلەسىمدى قوسۋعا مۇمكىندىگى بار ازامات رەتىندە سانايمىن. بۇل ءۇشىن وتە قۋانىشتىمىن. «KIMA» كومپانياسىمەن بىرگە ءبىز استانا قالاسىندا ءمودۋلدى جىلى ايالدامالار جوباسىن جۇزەگە اسىرۋعا ءتيىسپىز. بۇل پرەزيدەنت ن.نازارباەۆ اتاپ كورسەتكەن, كولىك جۇيەسىن دامىتۋ, جەرگىلىكتى ءوندىرىستى قالىپقا كەلتىرۋ, جوعارى تەحنولوگيالاردى پايدالانۋ سياقتى ەل دامۋىنىڭ بىرنەشە باعىتتارىن جۇزەگە اسىرۋعا مۇمكىندىك بەرەدى. اتالعان ايالدامالار ادام اعزاسىنا پايدالى ينفراقىزىل ساۋلەلەردى شىعاراتىن توقىمالىق جىلىتقىشتاردىڭ جانە «Smart سity» جۇيەسىنىڭ كومەگىمەن جىلىتىلاتىن بولادى. بۇگىنگى تاڭدا ءبىز «استانا» الەۋمەتتىك-كاسىپكەرلىك كورپوراتسياسىمەن كەلىسىمشارتقا قول قويدىق جانە قالا اكىمدىگىمەن جاسالاتىن كەلىسىمدەردىڭ قالعان تارماقتارى بويىنشا كەلىسسوزدەردى قىسقا ۋاقىتتا اياقتاپ, وسى جىلى استانالىقتاردىڭ قوعامدىق كولىكتە ءجۇرۋ شارتتارىن جاقسارتۋعا مۇمكىندىك بەرەتىن جوبانى جۇزەگە اسىرۋعا مۇددەلىمىز.
