قازاق حالقىنىڭ وتكەن عاسىردىڭ باسىنداعى تۇرمىس-تىرشىلىگى, كاسىبى مەن قولونەرى, ۇلتتىق سالت-ءداستۇر, ادەت-عۇرىپتارى بەينەلەنگەن فوتوسۋرەتتەردىڭ اۆتورلارى س.رۋدەنكو جانە ف.فيەلسترۋپ. 1926 جىلى كسرو عىلىم اكادەمياسىنىڭ وداقتىق جانە اۆتونوميالىق رەسپۋبليكالاردى زەرتتەۋ جونىندەگى ەرەكشە كوميتەتىنىڭ پروفەسسور س.رۋدەنكو باستاعان انتروپولوگيالىق وتريادى اقتوبە گۋبەرنياسى مەن اداي ۇيەزىنە دالالىق عىلىمي-زەرتتەۋ ەكسپەديتسياسىن جۇرگىزگەن. ويىل, ساعىز وزەندەرىنىڭ اڭعارىنداعى كىشى ءجۇزدىڭ كوشپەلى جانە جارتىلاي كوشپەلى قازاقتارىنىڭ مادەنيەتى مەن تۇرمىسىن جان-جاقتى زەرتتەگەن عالىمداردىڭ ەڭبەكتەرى ەندى كىتاپتان كورىنىس تاۋىپ وتىر.
-جالپى اتىراۋ ءوڭىرىنىڭ تاريحىنا قاتىستى, ونىڭ ىشىندە ولكەنىڭ بايىرعى تۇرعىندارى - قازاقتارعا قاتىستى انىقتالعان فوتوسۋرەتتەر وتە از. ال ولاردى ىزدەپ-تابۋ ارنايى ارحەوگرافيالىق ىزدەنىس جۇمىستارىن قاجەت ەتەدى, - دەيدى اتىراۋ وبلىسى تاريحي-مادەني مۇرانى قورعاۋ, قالپىنا كەلتىرۋ جانە پايدالانۋ جونىندەگى مەملەكەتتىك ينسپەكتسياسىنىڭ باسشىسى مۇحامبەتقالي كيپيەۆ.
-رەسەيدىڭ فەدەرالدىق ارحيۆتەرىندە ءبىر ىستەگى ماتەريالدىڭ 30 پايىزىن عانا كوشىرۋگە رۇقسات ەتەدى. كىتاپ-البومعا ەنگەن ارحيۆ رەسەي عىلىم اكادەمياسىنا قارايتىن بولعاندىقتان جانە ءبىز اتالعان قۇجاتتاردى جارىققا شىعاراتىنىمىزدى ايتقاندىقتان, ارحيۆ اكىمشىلىگى انتروپولوگيالىق وتريادتىڭ 300-دەن استام فوتوسۋرەتتەن تۇراتىن البومىنان 200 فوتوسۋرەتتى كوشىرمەلەۋگە رۇقسات بەردى.
البومداعى 150 سۋرەت بۇرىن ەش جەردە جاريالانباعان. ۇيىمداستىرۋشىلار الداعى ۋاقىتتا قۇندى سۋرەتتەردىڭ قاتارىن كوبەيتىپ, ءۇش تىلدە شىعارۋدى جوسپارلاپ وتىر. ال ازىرگە قولدا بار 500 دانا باسىلىم وبلىستاعى بارلىق كىتاپحانالارعا تاراتىلاتىن بولادى.
اتىراۋ
