بەيبىت جارتىلاي اۋىر سالماقتا WBA super جانە ءبىرىنشى اۋىر سالماقتا WBA چەمپيوندىق بەلدىگىن جەڭىپ العاننان كەيىن, جاراقاتىنا بايلانىستى سپورتتان كەتكەن بولاتىن. بۇگىن ول كاسىبي مانسابىن قايتا جالعاستىراتىنىن ايتتى.
سونداي اق ول اقش-تىڭ لاس-ۆەگاس قالاسىندا پروموۋتەرلىك ليتسەنزياسى بار جالعىز شەتەلدىك بوكسەر سانالادى. ونىڭ KZ Event Productions, Inc. پروموۋتەرلىك كومپانياسىنىڭ Showtime, ESPN, Fox Sports Network, NBC Sports ارنالارىمەن الدىن الا كەلىسىمدەرى بار. سوندىقتان وسى مۇمكىندىكتەردى پايدالانا وتىرىپ, ول ءوزىنىڭ كاسىبي مانسابىن جالعاستىراتىنىن جانە وتاندىق بوكسشىلاردى تەك قازاقستاندا عانا ەمەس, الەمدە بارىنشا قولدايتىنىن جەتكىزدى. ول سونداي-اق ازىرشە كەلەسى قارسىلاسىنىڭ ەسىمى بەلگىسىز ەكەنىن, بىراق كەلىسسوزدەر جۇرگىزىلىپ جاتقانىن ايتتى. بەيبىت شۇمەنوۆ Oscar De La Hoya باسقاراتىن Golden Boy Promotionsپەن جاقىن ارادا جۇمىس جاسايتىنىن جەتكىزدى.
سونىمەن قاتار بەيبىت شۇمەنوۆ الداعى ۋاقىتتا سپورت مەكتەبىن اشۋدى جوسپارلاپ وتىرعانىن جەتكىزدى.
ء«بىز بۇل مەكتەپتە جاس بالالاردى بوكسقا بەيىمدەپ, اۋەسقويلاردان باستاپ, كاسىبي دەڭگەيدەگىلەرگە دە كومەكتەسىپ, ەلىمىزدىڭ بەدەلىن ارتتىرىپ, كوك تۋىن بيىكتە جەلبىرەتۋدى ماقسات تۇتامىز», دەدى ول.
راۋان قايدار,
«ەگەمەن قازاقستان»
