جيىن بارىسىندا رەسپۋبليكالىق فيزيكا-ماتەماتيكا مەكتەبىنىڭ ديرەكتورى عابيت بەكاحمەتوۆ حالىقارالىق وليمپيادالار بويىنشا قازاقستان قۇراماسى جاقسى ناتيجەلەر كورسەتىپ كەلە جاتقانىن جەتكىزدى.
«10-11 سىنىپتارعا ارنالعان ماتەماتيكا, فيزيكا جانە ينفورماتيكا پاندەرىنەن وتكەن XIV حالىقارالىق جاۋتىكوۆ وليمپياداسىنىڭ قورىتىندىلارى بويىنشا قازاقستان قۇراماسىنىڭ وقۋشىلارى 60 مەدالدىڭ يەگەرلەرى اتاندى. ونىڭ ىشىندە 7 التىن, 16 كۇمىس, 37 قولا. وليمپيادا قازاقستان رەسپۋبليكاسى ءبىلىم جانە عىلىم مينيسترلىگى جانە الماتى قالاسى اكىمدىگىنىڭ قولداۋىمەن ءوتتى. جاۋتىكوۆ وليمپياداسى 14 جىل ىشىندە الەم بويىنشا تانىلدى. وسى جىلى وعان تاياۋ جانە الىس شەتەلدىڭ ەڭ مىقتى مامانداندىرىلعان 72 مەكتەبى قاتىستى. قازاقستان, رەسەي, بەلارۋس, گرۋزيا, ارمەنيا, قىرعىزستان, وزبەكستان, تاجىكستان, تۇرىكمەنستان, بولگاريا, رۋمىنيا, سەربيا, تۇركيا, يران جانە يندونەزيادان 482 وقۋشى كەلدى. وليمپيادا وتەتىن رفمم 46 جىل بويى قازاقستانداعى جانە تمد ەلدەرى اراسىنداعى جەتەكشى فيزيكا-ماتەماتيكالىق مەكتەپتەردىڭ ءبىرى بولىپ تابىلادى. قازاقستان اتىنان قاتىسقان 22 كوماندانىڭ ىشىنەن الماتى قالاسىنىڭ رفمم ەڭ جوعارى ناتيجە كورسەتتى جانە مەكتەپ كوماندالارىنىڭ رەيتينگىندە قۇرمەت گراموتاسىن الدى», دەدى مەكەمە باسشىسى.
سونىمەن قاتار ول وسى وليمپيادا تاپسىرمالارىنىڭ اۆتورلارى رەتىندە نازارباەۆ ۋنيۆەرسيتەتىنىڭ, ممۋ-ءدىڭ, ماسكەۋ فيزيكا-تەحنيكالىق ينستيتۋتىنىڭ, ەرەۆان مەملەكەتتىك ۋنيۆەرسيتەتىنىڭ, بەلارۋس مەملەكەتتىك ۋنيۆەرسيتەتىنىڭ ەڭ مىقتى پروفەسسورلارى, Google جانە National Laboratory Astana قىزمەتكەرلەرى قاتىسقانىن جەتكىزدى.
راۋان قايدار,
«ەگەمەن قازاقستان»
