سايىستىڭ اشىلۋ سالتاناتىنا قاتىسقان اۋدان اكىمى جارقىنبەك بايسابىروۆ بۇگىندە اۋداندا دوپتى حوككەي سپورتىن دامىتۋعا كوڭىل ءبولىنىپ جاتقانىن اتاپ ءوتىپ, سپورتشىلارعا ساتتىلىك تىلەدى.
وسىلايشا مۇز ۇستىندەگى جارىس قىزىپ سالا بەرگەن. دوداعا قاتىسۋشىلار ءوزارا ءۇش توپقا ءبولىنىپ, شەبەرلىك بايقاستى. 13 كوماندا قاتىسقان باسەكەدە ەلەكتر جۇيەسى مەكەمەسى, ءورت ءسوندىرۋ مەكەمەسى, ونەر مەكتەبى, جاستار كومانداسى جانە بارلىق اۋىلدىق وكرۋگتەر ونەر كورسەتتى. ەكى كۇنگە سوزىلعان جارىس وتە تارتىستى ءوتتى. كوماندالارىن قولداۋعا كەلگەن جانكۇيەرلەر دە مول بولدى. سايىس ناتيجەسىندە ۇزدىك ويىن ورنەگىن كورسەتكەن كوماندالار جۇلدەلى ورىنداردى يەلەندى. I ورىندى قاراۋىل اۋىلىنىڭ كومانداسى يەلەنسە, II ورىندى كەڭگىرباي بي اۋىلىنىڭ جىگىتتەر ەنشىلەدى. ال جۇلدەلى III ورىندى ەلەكتر جۇيەسى مەكەمەسىنە بۇيىردى.
سونىمەن قاتار ويىن بارىسىندا ەرەكشە ونەرىمەن كوزگە تۇسكەن سپورتشىلار دا ارنايى تاعايىندالعان ماراپاتتارعا يە بولدى. سىرىم ماماجاەۆ «ۇزدىك قاقپاشى» (قاراۋىل اۋىلى), باۋىرجان اسقاروۆ «ۇزدىك ويىنشى» اتاعىن (ەلەكتر جۇيەسى مەكەمەسى) يەلەنسە, قۇتانبەك ءادىل «ۇزدىك قورعاۋشى» (قاراۋىل اۋىلى), سەرىك ءادىلحانوۆ «ۇزدىك شابۋىلشى» (كەڭگىرباي بي اۋىلى) دەپ تانىلدى. جارىس جەڭىمپازدارى اۋداندىق دەنە شىنىقتىرۋ جانە سپورت ءبولىمىنىڭ ماداقتاما گراموتالارمەن جانە مەدالدارىمەن ماراپاتتالدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
اباي اۋدانى
