بيىل Caspian Week جيىنىندا قارجىلىق سالادا, ساۋدا مەن لوگيستيكادا قولدانىلاتىن جاڭا تسيفرلىق تەحنولوگيالارعا باسا نازار اۋدارىلدى. سونىمەن قاتار, مەملەكەتتىك جəنە كوممەرتسيالىق جوبالارعا جاڭا تەحنولوگيالاردى ەنگىزۋ, قارجىلىق تەحنولوگيالاردى دامىتۋ, سونداي-اق وسى سالاداعى مەملەكەتتىك قولداۋ مەن حالىقارالىق سەرىكتەستىك بويىنشا وڭىرلىك ساياسات مəسەلەلەرى تالقىلاندى.
«قارجىلىق تەحنولوگيالاردى دامىتۋ مەن ولاردىڭ ىلگەرى باسۋىنا مۇمكىندىك بەرەتىن ەكوجۇيە قالىپتاستىرۋ احقو-نى دامىتۋدىڭ نەگىزگى ستراتەگيالىق باعىتتارىنىڭ ءبىرى. ەكوجۇيە مەن ينوۆاتسياداعى نەگىزگى ويىنشىلاردى تارتاتىن ورتالىققا اينالۋى ءتيىس مامانداندىرىلعان قارجىلىق تەحنولوگيالار حابى ءوز جۇمىسىن باستادى» - دەپ حابارلادى قايرات كەلىمبەتوۆ.
قازىرگى سəتتە احقو ءوز سەرىكتەستەرىمەن بىرگە قارجى تەحنولوگيالارى سالاسىنداعى مىناداي: قارجىلىق تەحنولوگيالار مەن ەلەكتروندى كوممەرتسيانى دامىتۋعا ارنالعان اكسەلەراتسيالىق باعدارلاما, قارجىلىق تەحنولوگيالار بويىنشا رەتتەۋشى سىناق ءبولىمى, بلوكچەين تەحنولوگيالاردى دامىتۋ ورتالىعى, سونداي-اق قولما-قول تولەمسىز ەكونوميكانى دامىتۋ باستامالارى سياقتى نەگىزگى باعىتتار بويىنشا جۇمىس جاساپ جاتقانىن ايتا كەتكەنىمىز ءجون.
