قازاقستان عالىمدارى مەملەكەت باسشىسىنىڭ عىلىمدى كوپ قاجەتسىنەتىن, ەكسپورتقا باعدارلانعان ونەركاسىبى بار يننوۆاتسيالىق ەكونوميكا قالىپتاستىرۋ بويىنشا تاپسىرماسىن ىسكە اسىرۋ اياسىندا ەلدىڭ دامۋىنا جانە وتاندىق عىلىمنىڭ الەمدە الدىڭعى قاتارعا شىعۋىنا ءوز ۇلەستەرىن قوسۋدا.
وسىلايشا ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى رەكتور, اكادەميك ع.م.مۇتانوۆتىڭ باسشىلىعىمەن بەريللي ءوندىرۋدىڭ جاڭا تەحنولوگياسىن ازىرلەدى. ول ەڭ ءتيىمدى, ەكولوگيالىق جانە بىرەگەي تەحنولوگيا رەتىندە حالىقارالىق مويىنداۋعا – اقش پاتەنتىنە يە بولدى.
الىنعان پاتەنت اۆتورلار ۇجىمى ءۇشىن ءۇشىنشى حالىقارالىق اقش پاتەنتى بولىپ تابىلادى. الدىڭعى ەكى پاتەنت وسكەمەن قالاسىنداعى ءۇلبى مەتاللۋرگيالىق زاۋىتى جانىنداعى بەريللي زەرتحاناسىنىڭ قىزمەتكەرلەرى جانە د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ عالىمدارىمەن بىرگە الىنعان بولاتىن. جالپى, اۆتورلىق ۇجىمنىڭ يننوۆاتسيالىق زەرتتەمەلەرى الەمدىك دەڭگەيدەگى 2 جاڭالىق, 10 تەحنولوگيا, 18 پاتەنت, 4 الدىن-الا پاتەنت جانە 9 ەنگىزۋ اكتىسى ماتەريالدارىمەن دالەلدەنگەن.
اۆتورلار ۇجىمى ازىرلەگەن بەريلليدى الۋ, قايتا وڭدەۋ جانە دايىن ءونىمدى شىعارۋ تەحنولوگياسى ونەركاسىپتىك دەڭگەيدە وندىرىسكە ەنگىزىلدى. جاڭا تەحنولوگيالاردى ەنگىزۋ نەگىزىندە اۆتورلار بەريللي توتىعىنان بىرەگەي ەلەكتروفيزيكو-حيميالىق قاسيەتتەرگە يە, ەكسپورتقا باعدارلانعان ءونىمنىڭ 150-دەن استام جاڭا تۇرلەرىن الۋعا قول جەتكىزدى. بۇل ءونىم رەسەي, ۋكراينا, بەلارۋس, پولشا مەن يزرايل ەلدەرى اسكەري-ونەركاسىپتىك كەشەندەرىنىڭ قورعانىس ورىندارىنا ەكسپورتتالادى.
قازىرگى كەزدە وسى وڭدەۋدى ءوز كاسىپورىندارىندا ەنگىزۋگە الەمنىڭ جەتەكشى ەلدەرى – اقش, قىتاي, يزرايل, ءۇندىستان جانە ت.ب. اسقان قىزىعۋشىلىق تانىتۋدا.
الىنعان جەتىستىكتەر ۇجىمنىڭ كوپ جىلدىق ىنتىماقتاستىعىنىڭ ناتيجەسى ءارى عىلىم-ءبىلىم-ءوندىرىستىڭ ناقتى ىقپالداستىعىنىڭ كورسەتكىشى بولىپ تابىلادى جانە وتاندىق عىلىمنىڭ جاڭا دامۋ بەلەسىنە شىعۋىنا مۇمكىندىك بەرەدى.
ارمان وكتيابر,
«ەگەمەن قازاقستان
