BBC.com
مامانداردىڭ ايتۋى بويىنشا, ءورت كارديولوگياعا ماماندانعان سەجونگ اۋرۋحاناسىنىڭ جەدەل جاردەم بولمەسىندە باستالعان بولۋى مۇمكىن.
بۇل وڭتۇستىك كورەياداعى سوڭعى ون ىشىندە كوپ ادامنىڭ ولىمىنە سەبەپ بولعان وقيعا جانە زارداپ شەككەن ادامدار بۇدان دا كوپ بولۋى مۇمكىن. «يونحاپ» اقپاراتتىق اگەنتتىگىنىڭ حابارلاۋىنشا, زارداپ شەككەندەردىڭ كوبى اۋىر جاعدايدا, ولار ۋلى تۇتىنگە ۋلانعان.
ءورت ءسوندىرۋشى چوي مەن-ۆۋ جۋرناليستەرگە ءورتتىڭ ناقتى سەبەبى ءالى بەلگىسىز ەكەنىن ايتتى. ءورت جەرگىلىكتى ۋاقىت بويىنشا 07:30 شاماسىندا باستالىپ (بەيسەنبى, 22:30), 3 ساعاتقا سوزىلعان. وسى وقيعاعا بايلانىستى, وڭتۇستىك كورەيا پرەزيدەنتى مۋن دجە ين ورتپەن كۇرەسۋ جولدارىن تالقىلاۋ ءۇشىن توتەنشە كەزدەسۋ وتكىزدى.
ميريانگ سەۋل قالاسىنىڭ وڭتۇستىك-شىعىسىندا 270 شاقىرىمداي جەردە ورنالاسقان. بۇل اۋرۋحانا 2008 جىلدان بەرى جۇمىس ىستەيدى. اۋرۋحانا 200-گە جۋىق ناۋقاسقا قىزمەت كورسەتۋگە ارنالعان, وندا 35 مەديتسينا قىزمەتكەرى جۇمىس ىستەيدى.
ايتا كەتەيىك, وسىدان ءبىر ايىن وڭتۇستىك كورەيانىڭ چەچحون قالاسىندا جاتتىعۋ زالىنان ءورت شىعىپ, 29 ادام قايتىس بولعان بولاتىن.
