600 وقۋشىعا ارنالعان مەكتەپتە بارلىعى - 56 وقۋ كابينەتى بار. ونىڭ 4-ءۋى مۋلتيمەديالىق, 4-ءۋى ينفورماتيكا كابينەتتەرى بولسا, فيزيكا, بيولوگيا, حيميا ءپəنى كابينەتتەرى ارنايى زەرتحانالارمەن جابدىقتالعان. 25 وقۋشىعا ارنالعان وقۋ زالىمەن قامتىلعان كىتاپحانا, 200 ورىندىق اكت زالى مەن قوس سپورت زال, 130 ورىندىق اسحانا وقۋشىلاردىڭ الاڭسىز وقۋىنا, ءبىلىم الۋىنا تولىق مۇمكىندىك بەرەدى. سونداي-اق وقۋشىلاردى جان-جاقتى تاربيەلەۋ ماقساتىندا ارنايى 2 وقۋ شەبەرحاناسى دا جاساقتالعان. جەتى كابينەت ينتەراكتيۆتى تاقتامەن جابدىقتالسا, مەكتەپ راديوسى ءۇشىن دە بولمە ارنالعان. ودان بولەك پسيحولوگ, لوگوپەد جانە مەدقىزمەتكەرگە دە ارنايى كابينەتتەر قاراستىرىلعان. مەكتەپتە ونەرلى بالالارعا ارنالعان «شابىت» ورتالىعى دا جۇمىس جاساماق.
جينالعان قاۋىمدى ايتۋلى شارامەن قۇتتىقتاعان باتىس قازاقستان وبلىسىنىڭ əكىمى التاي كولگىنوۆ ەلباسىنىڭ بيىلعى جولداۋىندا ءبىلىم بەرۋ سالاسىنا ەرەكشە كوڭىل بولىنگەندىگىنە توقتالدى.
- وسىنداي مەكتەپ عيماراتىنىڭ سالىنۋى - ەڭ الدىمەن مەملەكەتتىڭ زور قولداۋىنىڭ نəتيجەسى. «نۇرلى جول» باعدارلاماسى بويىنشا وبلىستا مەكتەپ قۇرىلىسى ءۇشىن 3,5 ملرد تەڭگە ءبولىنىپ, بارلىعى 2400 بالاعا ارنالعان 4 مەكتەپ قۇرىلىسى قولعا الىنعان ەدى. سونىڭ ءبىرىن بۇگىن سالتاناتتى جاعدايدا اشىپ وتىرمىز. بيىل ەلباسى ءوزىنىڭ حالىققا جولداۋىندا ءبىلىم بەرۋ سالاسىنا ەرەكشە توقتالدى. سونىڭ ىشىندە جاڭارتىلعان باعدارلاما بويىنشا وقۋدان وتكەن مۇعالىمدەردىڭ جالاقىسىن 30-50%-عا ءوسىرۋ تۋرالى ايتتى. ءبىز دە ءوز تاراپىمىزدان مۇعالىمدەردىڭ بىلىكتىلىگىن ارتتىرۋ مəسەلەسىنە مəن بەرەمىز. سونداي-اق مەكتەپتەردىڭ تەحنيكالىق قامسىزداندىرىلۋى دا ۇدايى نازاردا. وبلىس بويىنشا اۋىلداردا 223 شاعىن جيناقتالعان مەكتەپ بار. بيىل ولاردى ساپالى ەلەكتروندى كونتەنتپەن قامتيتىن بولامىز. بۇل ءوز كەزەگىندە قالا مەن اۋىل مەكتەبىنىڭ اراسىنداعى ايىرماشىلىقتى ازايتۋعا سەپتىگىن تيگىزەدى. ءبىلىمدى ۇرپاق – ەلدىڭ بولاشاعى. تاۋەلسىزدىگىمىزدى نىعايتىپ, العا جەتەلەيتىن بۇگىنگى وقۋشىلار. سوندىقتان مەملەكەت ولاردىڭ ساپالى ءبىلىم الۋىنا بارلىق مۇمكىندىكتى جاساپ وتىر, - دەدى التاي سەيدىر ۇلى.
جاڭا مەكتەپ 500 بالانى قابىلداپ وتىر, مۇندا 25 سىنىپ اشىلادى. سونداي-اق مەكتەپ جانىنان 100 بالاعا شاعىن ورتالىق جۇمىس جاسايتىن بولادى.
ايتا كەتۋ كەرەك, بيىل اقجايىق, ءبورلى, قازتالوۆ اۋداندارىندا دا جاڭا ءبىلىم وشاعىنىڭ قۇرىلىسى جۇرۋدە. جىل سايىن مەكتەپ وقۋشىلارىنىڭ سانى دا ارتىپ كەلەدى. ماسەلەن, قازىرگى تاڭدا وبلىس بويىنشا وقۋشىلاردىڭ سانى 48 مىڭنان اسسا, ونىڭ 2900-ى تەك سوڭعى ءبىر عانا وقۋ جىلىندا قوسىلعان.
قازبەك قۇتتىمۇرات ۇلى
«ەگەمەن قازاقستان»
سۋرەتتەردى تۇسىرگەن
تەمىربولات توقمامبەتوۆ
