ء«بىز شىعىس قازاقستان وبلىسىنىڭ, ءۇرجار اۋدانىنداعى ارۋحانادا بولىپ, شولپان اۋىلىنداعى جاعدايمەن تانىستىق. وقيعاعا قاتىستى تولىق تەكسەرۋ جۇرگىزىپ, بارلىق قۇجاتتاردى قارادىق. وسى ورايدا 19 وقيعانى جاسىرۋ جاعدايى انىقتالدى, ياعني دەرتتىڭ جەڭىل فورمالارى بەلگىلى بولدى.
سانيتارلىق ەرەجەلەر بويىنشا ناۋقاستى امبۋلاتورلىق جاعدايدا, ياعني ۇيدە ەمدەۋگە جول بەرىلەدى. بىراق مىندەتتى تۇردە قوعامدىق دەنساۋلىق ساقتاۋ كوميتەتىنىڭ اۋماقتىق ورگاندارىنا حابار بەرىلۋى ءتيىس. سول كەزدە ءتيىستى شارالار قولدانىلادى. بۇل رەتتە قىركۇيەك ايىندا ءبىرىنشى وقيعا تىركەلگەن كەزدە دارىگەرلىك امبۋلاتوريادا دارىگەر بولماعان. كومەك كورسەتۋ تەك ورتا مەديتسينالىق قىزمەتكەرلەر تاراپىنان عانا جاسالعان. قازان ايىنىڭ باسىندا بۇل نىسانعا دارىگەر كەلگەن. ول – جاس مامان, ياعني 2017 جىلدىڭ تۇلەگى», دەدى ج.بەكشين.
سونىمەن قاتار ول تەكسەرۋ بارىسىندا ناۋقاستار ءدارى-دارمەكتى وزدەرى ساتىپ العانى بەلگىلى بولعانىن جەتكىزدى.
«12 وقيعا بويىنشا ناۋقاستار اۋرۋحاناعا كولىكپەن وزدەرىنىڭ ەسەبىنەن جەتكىزىلگەن. ارقايسىسى تاسىمالداۋ شارالارىنا 5 مىڭ تەڭگە تولەگەن. بۇل ءوز كەزەگىندە تالاپتاردى ورەسكەل بۇزۋ فاكتىلەرىنە كىرەدى. انىقتالعان وسى كەمشىلىكتەردىڭ بارلىعى وبلىس اكىمدىگىنە حابارلانىپ, كىنالىلەر اكىمشىلىك ىقپال ەتۋ تۇرعىسىندا جازاعا تارتىلادى», دەدى جانداربەك بەكشين.
دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ كوميتەتى توراعاسىنىڭ سوزىنشە, شىعىس قازاقستان وبلىسى مەن قاراعاندى قالاسىندا ورىن العان وقيعالاردىڭ ءبىر-بىرىمەن ەشقانداي بايلانىسى جوق. سونداي-اق ول قازاقستاندا بۇل اۋرۋدىڭ بۇرىنعىعا قاراعاندا اناعۇرلىم ازايعانىن العا تارتتى.
«مەن 1999 جىلى ەلىمىزدە 34 مىڭنان استام سارى اۋرۋ وقيعاسى تىركەلگەنىن بىلەمىن. 2000 جىلى 23,5 مىڭ, وتكەن جىلى 783 جاعداي تىركەلدى. بالالارعا 2 جاسىنان باستاپ جاساعان ەكپەنىڭ ارقاسىندا 17 جىل بويى گەپاتيتتىڭ جيىلىگى 39 ەسەگە تومەندەدى», دەدى جانداربەك بەكشين.
باس سانيتارلىق دارىگەردىڭ ايتۋىنشا, وتكەن جىلى شقو-دا سارى اۋرۋدىڭ 75 وقيعاسى تىركەلگەن.
«وسى كورسەتكىشتەن تومەندەۋ ايقىن اڭعارىلادى. اسىرەسە 2009-2010 جىلدارى تومەندەي باستادى, سەبەبى ەكپە نəتيجە بەرە باستادى. جانە ۆ گەپاتيتىنىڭ ۆاكتسيناتسيادان كەيىنگى جيىلىگى 69 ەسەگە ازايدى», دەپ اتاپ ءوتتى ول.
راۋان قايدار,
«ەگەمەن قازاقستان»
