وبلىس جولدارىندا 2016 جىلى 2086 اپاتتى جاعداي تىركەلسە, بۇل كورسەتكىش 2017 جىلى 1934 وقيعاعا دەيىن تومەندەدى. بۇل تۋرالى وبلىستىق ىشكى ىستەر دەپارتامەنتىنىڭ وتكەن مەرزىمدەگى جۇمىس قورتىندىسى بويىنشا وتكەن جەدەل كەڭەستە ايتىلدى. جالپى, ايماقتاعى قىلمىستىق احۋال قالىپتى جاعدايدا بولعانىمەن, كەيبىر باعىتتار بويىنشا الاڭداۋعا نەگىز بار.
مىسالعا, ءبىر جىل ىشىندە پاتەر توناۋ مەن ۇيالى تەلەفون ۇرلاۋ فاكتىلەرى ازايماي وتىر. ەسەپتى كەزەڭدە ءۇي توناۋ 7,1 پايىزعا, تەلەفون ۇرلاۋ 5,8 پايىزعا كوبەيگەن. قىلمىسپەن كۇرەس پەن الدىن الۋ جۇمىستارىنا جەتىسۋلىق ءتارتىپ ساقشىلارى جۇمىلا كىرىسىپ, ناتيجەلى ارەكەت ەتۋدە. ىشكى ىستەر ورگاندارىنىڭ جۇمىسىن جانداندىرۋ ماقساتىندا الماتى وبلىسى قارجىلاندىرۋ ۇلەسى ارتىپ, 2017 جىلى مەملەكەت قورجىنىنان 11,9 ملرد تەڭگە بولىنگەن.
قالماحانبەت مۇقامەتقالي,
«ەگەمەن قازاقستان»
الماتى وبلىسى
