ۇلتتىق كىتاپحانا ۇجىمى جولداۋدا ايقىندالعان مىندەتتەردى قىزۋ تالقىلاپ, قولداۋ كورسەتتى. كىتاپحانا باسشىسى جانات سەيدۋمانوۆ ەلباسى جولداۋى باسىمدىقتارىن ايتا وتىرىپ «ادامي كاپيتال – جاڭعىرۋ نەگىزى» تارماعىنا ەرەكشە توقتالىپ ءوتتى.
– ادامي كاپيتالدىڭ جاڭعىرۋى كىتاپحانا ىسىمەن تىكەلەي بايلانىستى. ويتكەنى كىتاپحانالاردىڭ باستى ماقساتى – ساپالى ادامي كاپيتالدى ارتتىرۋعا ىقپال ەتۋ, جوعارى ءبىلىمدى, جان-جاقتى ۇرپاق قالىپتاستىرۋعا ۇلەس قوسۋ. وسى ورايدا, ۇلتتىق كىتاپحانانىڭ باستى مىندەتتەرىنىڭ ءبىرى – تۇرعىنداردىڭ كىتاپ وقۋعا قۇشتارلىعىن ارتتىرۋ ارقىلى جاس ۇرپاقتى وقۋعا تارتۋ جانە ءتولتۋما مادەنيەتىمىزدى ساقتاپ قالۋ. ادامي كاپيتال ساپاسىن نىعايتۋ جانە ۇلتتىڭ رۋحاني, ينتەللەكتۋالدى سەرپىلىسىنىڭ قاجەتتى قۇرالى رەتىندە حالىقتى وقۋعا تارتۋعا, ولاردىڭ زاماناۋي ءبىلىم الۋىنا بارلىق مۇمكىندىكتەردى جاساۋعا ءتيىسپىز, – دەدى ۇلتتىق كىتاپحانا ديرەكتورى جانات سەيدۋمانوۆ.
سونىمەن قاتار ۇلتتىق كىتاپحانانىڭ جاستارىنان قۇرالعان جاستار كەڭەسى كەڭ اۋقىمدى تالقىلاۋ جاساپ, جولداۋدىڭ ماڭىزى مەن ەرەكشەلىكتەرى تۇرعىسىنداعى جەكە وي-پىكىرلەرىن ورتاعا سالدى.
ء«بىز ەلباسىنىڭ جولداۋىمەن تانىستىق. ەندى كورسەتىلگەن 10 باعىت بويىنشا جۇمىس ىستەپ, كۇش سالامىز. ونىڭ ىشىندە جاڭا تەحنولوگيالاردى دامىتۋعا ۇلەس قوسۋ ءۇشىن كىتاپحانا ىسىندە ونلاين قىزمەت كورسەتۋ مەن ەلەكتروندى باسىلىمدارعا باسىمدىق بەرۋدى جالعاستىراتىن بولامىز», دەيدى جاستار كەڭەسىنىڭ جەتەكشىسى ايكەنجە جاقسىلىققىزى.
ەلباسىنىڭ قازاقستان حالقىنا كەزەكتى جولداۋى ماڭىزدى تاريحي قۇجات دەگەن كىتاپحانا ماماندارى, ونى جۇزەگە اسىرۋعا ءاربىر كىتاپحاناشى ءوز ەڭبەگىمەن, ءوز قىزمەتىمەن ۇلەس قوساتىنىن ءبىلدىردى.
ارمان وكتيابر,
«ەگەمەن قازاقستان»
الماتى
