سامال مولتەك اۋدانىنداعى سپورت كەشەنى قىزىلقوعا اۋدانىنىڭ پەرزەنتى, سپورت شەبەرى ايبار ەسەنعاليەۆتىڭ قارجىلاندىرۋىمەن سالىنعان. سپورت مەكتەبىندە 34 جاتىن بولمەسى, 32 سپورتشى مەن ەكى جاتتىقتىرۋشىعا ەسەپتەلگەن جاتتىعۋ زالى, اسحانا, جۋىنۋ بولمەسى جانە شىنىعۋ الاڭى بار. زالعا 6 جاستان باستاپ قابىلدايدى ءبىر ۋاقىتتا 50 ادام تاتاميدە دجيۋ-دجيتسۋمەن اينالىسا الادى.
ايتا كەتەيىك, بۇل جوبا مەملەكەت باسشىسىنىڭ «بولاشاق باعدار: رۋحاني جاڭعىرۋ» ماقالاسى اياسىندا «تۋعان جەر» باعىتى بويىنشا جۇزەگە اسىرىلعان.
- بۇل قۇرىلىس 2015 جىلى كوكتەمدە باستالدى. بۇگىنگى تاڭدا قۇرىلىسى ءبىتىپ, اشىلدىق. الداعى ۋاقىتتا جاستارىمىزدى سپورت كەشەنىنە جاتتىعۋعا شاقىرامىز. وبلىس سپورتشىلارىنىڭ شەبەرلىگىن ارتتىرۋعا بىردەن-ءبىر ۇلەس قوساتىن زال بولادى دەپ ەسەپتەيمىز, - دەيدى ايبار ەسەنعاليەۆ.
ەسكە سالساق, وتكەن جىلى وبلىستا 35 سپورتتىق نىسان پايدالانۋعا بەرىلگەن بولاتىن. مالىك سۇلەيمەنوۆ اتىنداعى سپورت كەشەنى 2018 جىلى اشىلعان العاشقى سپورتتىق نىسان بولىپ وتىر.
