2016 جىلى قالا مەن قالا ماڭىنداعى اۋىلداردىڭ كوشەلەرىندە 96 شاقىرىم جول سالىنسا, 2017 جىلى جول قۇرىلىسى قارقىن الدى. وتكەن جىلدىڭ 12 ايىندا جالپى ۇزىندىعى 267 كم 330 كوشە اسفالتتالدى.
2018 جىلى جاسالاتىن جول قۇرىلىسىنا جوبالاۋ-سمەتالىق قۇجاتتاما دايىندالۋدا. جوسپار بويىنشا قالا مەن ماڭىنداعى اۋىلداردىڭ 207 كوشەسىنە اسفالت توسەلەدى. اۆتوكولىك جولىنىڭ جالپى ۇزىندىعى 220 شاقىرىم.
- اتىراۋ قالاسىنىڭ اكىمى سەرىك شاپكەنوۆ اتىراۋلىقتاردى جول قۇرىلىسىن باقىلاۋدا ۇستاۋعا قاتىسۋلارىن شاقىردى. جول قۇرىلىسىنداعى كەلەڭسىزدىكتەرگە كۋا بولعان قالا تۇرعىندارى Telegram قوسىمشاسىنداعى «اتىراۋ وبلىستىق اكىمدىگى» چات-ارناسىنا نەمەسە "اتىراۋ تسيفرلىق قابىلداۋ» قوسىمشاسى ارقىلى حابارلاي الادى, - دەپ حابارلادى اتىراۋ قالاسى اكىمىنىڭ ءباسپاسوز قىزمەتى.
سونداي-اق بيىل قالا مەن سەلولىق وكرۋگتەر اۋماعىنداعى 19800 تەكشە مەتر جولعا اعىمداعى جوندەۋ جۇرگىزۋ جوسپارلانىپ وتىر. 2018 جىلى اتىراۋداعى 184 كوشەگە 178 كم جاياۋ جۇرگىنشىلەر جولىن سالۋ ءۇشىن جسق جاساۋعا 25 ملن تەڭگە ءبولىندى. اۆتوكولىك جولدارى قاسىنان اسفالتتانعان جاياۋ جۇرگىنشىلەر جولىن سالۋ جۇمىستارى قالا مەن توعىز سەلولىق وكرۋگتە باستالادى.
