ۇكىمەت • 16 قاڭتار، 2018

ەلباسى جولداۋىن ىسكە اسىرۋ اياسىندا ءوزىن-ءوزى جۇمىسپەن قامتىعانداردىڭ مارتەبەسى رەتتەلدى — ت. دۇيسەنوۆا

123 رەتكورسەتىلدى

بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسى بارىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا اتاۋلى الەۋمەتتىك كومەكتىڭ جاڭا فورماتىن ەنگىزۋ جانە ءوزىن-ءوزى جۇمىسپەن قامتىعانداردى فورماليزاتسيالاۋ شارالارى تۋرالى باياندادى.

2018 جىلعى 1 قاڭتاردان باستاپ جاڭا فورماتتاعى اتاۋلى الەۋمەتتىك كومەك كورسەتىلە باستادى. وسى باعىتتا سوڭعى ءۇش جىلدا الەۋمەتتىك كومەك ءتۇرىن ساپالى قامتاماسىز ەتۋ بويىنشا ايتارلىقتاي جۇمىستار اتقارىلدى. 2017 جىلدىڭ ءتورتىنشى توقسانىندا اتاۋلى كومەككە مۇقتاج جانداردى ۋاقىتىلى انىقتاۋ جانە ولارمەن الەۋمەتتىك كەلىسىمشارتتار جاساۋ جۇمىستارى باستالدى.

«بۇگىنگى تاڭدا 105 مىڭنان استام وتباسى الەۋمەتتىك كەلىسىمشارتقا قول قويدى. ولاردىڭ باسىم بولىگىنە اقشالاي كومەك، سونداي-اق، جۇمىسقا ورنالاسۋلارىنا جاردەم كورسەتىلەدى»، — دەدى تامارا دۇيسەنوۆا.

جەرگىلىكتى اتقارۋشى ورگانداردىڭ كەستەسىنە سايكەس، قاڭتار ايىندا شامامەن 49 وتباسى اتاۋلى الەۋمەتتىك كومەك الادى.

مەملەكەت باسشىسى حالىققا جىل سايىنعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنىڭ ءاياسىندا وز-ءوزىن جۇمىسپەن قامتىعان ادامدار ماسەلەسى بويىنشا ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسىن سىنعا الدى. وسىعان وراي، قر ۇكىمەتىنىڭ وتكەن وتىرىسىندا باقىتجان ساعىنتاەۆ ەڭبەك جانە حالىقتى الەۋمەتتىك قورعاۋ مينيسترلىگى ءوزىن-ءوزى جۇمىسپەن قامتىعان ازاماتتاردى فورماليزاتسيالاۋ بارىسى تۋرالى بايانداۋدى تاپسىرعان بولاتىن.

وسىلايشا، ۇكىمەت وتىرىسىندا تامارا دۇيسەنوۆا قازاقستاندا جۇمىسپەن قامتىلعانداردىڭ تورتتەن ءبىر بولىگىن ءوزىن-ءوزى جۇمىسپەن قامتىعاندار قۇرايتىنىن حابارلادى.

«ەلىمىزدەگى ءوزىن-ءوزى جۇمىسپەن قامتىعان حالىق اۋىسپالى كەزەڭنىڭ ناتيجەسى. 1991 جىلدان باستاپ 2001 جىلعا دەيىنگى ارالىقتا كاسىپورىنداردىڭ جاپپاي جابىلۋى مەن جۇمىس ورىندارىن قىسقارتۋ ناتيجەسىندە ءوز بەتىنشە جۇمىسپەن قامتىلعاندار سانى 327 مىڭنان 2،8 ملن ادامعا دەيىن ءوستى»، — دەدى تامارا دۇيسەنوۆا.

ءوزىن-ءوزى جۇمىسپەن قامتىعان ادامدار سانىنىڭ ءوسۋى جۇمىسپەن قامتۋدىڭ بىرقاتار باعدارلامالارىن جۇزەگە اسىرۋ ارقىلى، سونداي-اق ەلدەگى ەكونوميكالىق جاعدايدىڭ جاقسارۋى ناتيجەسىندە توقتاتىلدى.

سوڭعى 7 جىلدا ءوزىن-ءوزى جۇمىسپەن قامتىعانداردىڭ سانى جارتى ميلليونعا ازايعان، ال ولاردىڭ ەكونوميكالىق بەلسەندى حالىق سانىنداعى ۇلەسى 31%-دان 26%-عا دەيىن ءوستى. بىراق بۇل، ءمينيستردىڭ ايتۋىنشا، كولەڭكەلى ەكونوميكا، بەيرەسمي جۇمىسپەن قامتۋ، تابىستىڭ جاسىرىلۋى جانە الەۋمەتتىك قورعالماۋمەن تىكەلەي بايلانىستى وتە جوعارعى كورسەتكىش.

«وسى ماسەلەلەردى شەشۋ ءۇشىن مەملەكەت باسشىسىنىڭ تاپسىرماسىنا سايكەس، مەديتسينالىق ساقتاندىرۋ جۇيەسىن ەنگىزۋگە دايىندىق بارىسىندا ءوزىن-ءوزى جۇمىسپەن قامتىعان حالىقتى فورماليزاتسيالاۋ جۇمىسى جۇرگىزىلىپ، بۇگىندە جالعاستىرىلىپ جاتىر. 2017 جىلى ازاماتتاردىڭ مارتەبەسىن سالىستىرىپ تەكسەرۋ جۇرگىزىلدى، اۋلا بويىنشا تەكسەرىس ىسكە اسىرىلدى جانە ورتالىق مەملەكەتتىك ورگانداردىڭ قاتىسۋىمەن ءوزىن-ءوزى جۇمىسپەن قامتىعانداردىڭ ەڭبەك قاتىناستارىن رەسىمدەۋ جۇمىستارى باستالدى»، — دەدى مينيستر ت. دۇيسەنوۆا.

وسىلايشا، ءبىر جىلدان از ۋاقىت ىشىندە بۇعان دەيىن مارتەبەسى بولماعان 5،7 ملن ادامنان 3 ملن-عا جۋىق ادامنىڭ مارتەبەسى انىقتالىپ، رەسمي رەسىمدەلدى. قالعان 2،7 ملن ادام:

1،2 ملن — بەيرەسمي جۇمىسپەن اينالىساتىندار (مزج جوق، جك رەتىندە تىركەلمەگەن)، ولاردى زاڭداستىرۋ ءۇشىن زاڭناماعا تۇزەتۋلەر ەنگىزۋ قاجەت;

1،5 ملن ادام — ءونىمدى جۇمىسپەن اينالىسۋعا تارتۋعا ءتيىستى وزدىگىنەن ناتيجەسىز جۇمىس ىستەيتىندەر مەن جۇمىسسىزدار.

ناتيجەلەردەن كورەتىنىمىز، باستى مىندەت — جۇمىسپەن قامتۋدىڭ بەلسەندى شارالارىمەن 2،7 ملن ەمەس، تەك 1،5 ملن ادامدى قامتۋ قاجەت.

بۇگىندە وبلىس اكىمدەرى ءوزىن-ءوزى جۇمىسپەن قامتىعانداردى فورماليزاتسيالاۋدىڭ وڭىرلىك جول كارتالارى مەن ولارعا جۇمىسقا ورنالاسۋعا جاردەمدەسۋدىڭ كەشەندى جوسپارلارىن ازىرلەپ، بەكىتتى. بيىل جۇمىسپەن قامتۋ الەۋەتىمەن 743 مىڭ جۇمىس ورنى انىقتالدى.

قاتىسۋشىلاردىڭ كوپشىلىگى ءونىمدى جۇمىسپەن قامتۋ جانە اۋماقتاردى دامىتۋ باعدارلامالارىنا تارتىلادى. ولاردىڭ جارتىسىنان كوبى تۇراقتى جۇمىس ورىندارىنا جىبەرىلەدى. قالعاندارى — سۋبسيديالاناتىن جۇمىس ورىندارىنا جانە تالاپ ەتىلەتىن ماماندىقتار بويىنشا وقىتۋعا جىبەرىلەدى.

ەڭبەكپەن قامتۋ مونيتورينگى ناقتى ۋاقىت رەجيمىندە، جوبالار جۇزەگە اسىرىلىپ جاتقان كەز-كەلگەن ەلدى مەكەندە ەڭبەكپەن قامتۋدىڭ ەلەكتروندى كارتاسى ارقىلى جۇرگىزىلەدى.  

تامارا دۇيسەنوۆا ەكونوميكانىڭ ناقتى سەكتورىندا جانە قىزمەت كورسەتۋ سالاسىندا جاڭا جۇمىس ورىندارىن اشۋ، سونداي-اق جۇمىسپەن قامتۋ سەكتورىن تسيفرلاندىرۋ ارقىلى جۇمىسپەن قامتۋدىڭ وسۋىنە قول جەتكىزۋگە بولاتىنىن ايتتى. وسىعان بايلانىستى، مينيسترلىك تابىسى جىلىنا 24 ەسەلى ەتج-دان تومەن ءوزىن-ءوزى جۇمىسپەن قامتىعان ادامداردى تىركەۋ ءتارتىبىن جەڭىلدەتۋدى جوسپارلاپ وتىر. كوپ ارنالى نەگىزگە بىرىڭعاي تىركەۋ جۇيەسىن ەلەكتروندى فورماتتا ەنگىزۋ ۇسىنىلادى.

بۇدان وزگە، جىل باسىنان بەرى بارلىق وڭىرلەرگە قوسىلعان ەلەكتروندى ەڭبەك بيرجاسىن تولىعىمەن پايدالانۋ، ەلەكتروندى ەڭبەك كەلىسىمشارتتارىن ەسەپكە الۋدىڭ بىرىڭعاي جۇيەسىن ەنگىزۋ، سونداي-اق جۇمىسپەن قامتۋدىڭ جەكە اگەنتتىكتەرىن تارتۋ ارقىلى ەڭبەكپەن قامتۋ جەلىسىن كەڭەيتۋ جوسپارلانىپ وتىر.

جاڭا فورماتتاعى ااك ەنگىزۋ جانە وڭىرلەردە ءوزىن-ءوزى جۇمىسپەن قامتىعانداردى رەسىمدەۋ سالاسىنداعى جاعداي تۋرالى وڭتۇستىك قازاقستان وبلىسىنىڭ اكىمى ج. تۇيمەباەۆ، شىعىس قازاقستان وبلىسىنىڭ اكىمى د. احمەتوۆ، الماتى وبلىسىنىڭ اكىمى ا. باتالوۆ باياندادى.

ماسەلەنى قاراۋ قورىتىندىسىن شىعارا وتىرىپ، پرەمەر-مينيستر ەلباسى جولداۋىندا ءوزىن-ءوزى جۇمىسپەن قامتىعان حالىققا قاتىستى ايتىلعان سىن-ەسكەرتپەلەر — بارلىعى ءۇشىن سوڭعى ەسكەرتۋ ەكەنىن اتاپ ءوتتى. باقىتجان ساعىنتاەۆ بارلىق ۇسىنىستاردى كەشەندى تۇردە اي سايىنعى نەگىزدە قاراستىرۋدى، سونداي-اق، 2018 جىلى ەڭبەك جانە حالىقتى جۇمىسپەن قامتۋ سالاسىن تسيفرلاندىرۋ جۇمىستارىن اياقتاۋدى تاپسىردى.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

ۇقساس جاڭالىقتار