ۇلتتىق ەكونوميكا ءمينيسترىنىڭ ايتۋىنشا, جالپىۇلتتىق جوسپاردىڭ جوباسى مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ورىنداۋ تۋرالى ۇكىمەتتىڭ 11 قاڭتارداعى وتىرىسىندا بەرىلگەن تاپسىرمالارعا سايكەس ازىرلەندى. جوبادا 10 باعىت بويىنشا مەملەكەتتىڭ دامۋىنا باعىتتالعان 87 ءىس-شارا قاراستىرىلعان.
«يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس» ءبىرىنشى مىندەتى اياسىندا ەڭبەك رەسۋرستارىن باسقارۋ, ەكسپورتقا باعدارلانعان ونىمدەر شىعاراتىن كاسىپكەرلىك سۋبەكتىلەرىن جاڭعىرتۋعا جانە تسيفرلاندىرۋعا باعىتتالعان جاڭا قۇرالداردى ازىرلەۋ جانە جەتىلدىرۋ, سونداي-اق, تەحنولوگيالار ترانسفەرتى بويىنشا 8 شارا قاراستىرىلعان.
بۇل شارالار تۇجىرىمدامانى ازىرلەۋ ارقىلى, سودان كەيىن «تسيفرلىق ءداۋىر» ونەركاسىبىن دامىتۋعا ارنالعان جاڭا يندۋستريالىق-يننوۆاتسيالىق دامۋ مەملەكەتتىك باعدارلاماسى ارقىلى جۇزەگە اسىرىلادى.
«رەسۋرستىق الەۋەتتى ودان ءارى دامىتۋ» ەكىنشى مىندەتى اياسىندا ەكولوگيالىق زاڭنامانى, سونىڭ ىشىندە ەكولوگيالىق كودەكستى وزەكتى ەتۋ ارقىلى ىسكە اسىرىلاتىن «جاسىل» تەحنولوگيالاردى دامىتۋ, تابيعي رەسۋرستاردى باسقارۋ تاسىلدەرىن قايتا قاراۋعا باعىتتالعان 5 شارا قاراستىرىلعان. سونداي-اق, شاعىن جانە ورتا بيزنەس سۋبەكتىلەرىن كەڭىنەن تارتۋ ارقىلى قاتتى تۇرمىستىق قالدىقتاردى كادەگە جاراتۋ جانە قايتا وڭدەۋ بويىنشا بىرقاتار شارالاردى ازىرلەپ, قابىلداۋ كوزدەلگەن.
«اقىلدى تەحنولوگيالار» – اگروونەركاسىپ كەشەنىن قارقىندى دامىتۋ مۇمكىندىگى» ءۇشىنشى مىندەتى اياسىندا جاڭا تەحنولوگيالار مەن بيزنەس-مودەلدەردى ەنگىزۋ, كووپەراتيۆتەردى دامىتۋ, ءتيىمسىز سۋبسيديالاردى قايتا قاراۋ ارقىلى اگروونەركاسىپتىك كەشەندى دامىتۋعا, سونداي-اق, اوك عىلىمي قارقىندىلىعىن ارتتىرۋعا باعىتتالعان 6 شارا قاراستىرىلعان. وسى ماقساتتا 2017–2021 جىلدارعا ارنالعان قر اگروونەركاسىپتىك كەشەنىن دامىتۋدىڭ مەملەكەتتىك باعدارلاماسىنا وزگەرىستەر ەنگىزىلەدى.
«كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ» ءتورتىنشى مىندەتى اياسىندا 3 شارا قاراستىرىلعان. بۇل ءىس-شارالاردى ىسكە اسىرۋ ءۇشىن تسيفرلىق تەحنولوگيالاردى قولدانۋ ارقىلى زياتكەرلىك كولىك جۇيەسىن بىرتىندەپ ەنگىزۋ جوسپارى ازىرلەنەدى. سونىمەن قاتار جەرگىلىكتى اۆتوجول جەلىلەرىن جوندەۋ مەن رەكونسترۋكتسيالاۋعا جۇمسالاتىن قارجى ۇلعايتىلادى.
«قۇرىلىسقا جانە كوممۋنالدىق سەكتورعا زاماناۋي تەحنولوگيالاردى ەنگىزۋ» بەسىنشى مىندەتى اياسىندا تۇرعىن ءۇي زاڭناماسىن, سونداي-اق تابيعي مونوپوليالار سالاسىن رەتتەيتىن زاڭنامانى جەتىلدىرۋگە, ساۋلەت جانە قالا قۇرىلىسى سالاسىنداعى مەملەكەتتىك نورماتيۆتەردى جەتىلدىرۋگە باعىتتالعان 5 شارا قاراستىرىلعان.
«قارجى سەكتورىن «قايتا جاڭعىرتۋ» التىنشى مىندەتىن جۇزەگە اسىرۋ اياسىندا 8 شارا قاراستىرىلعان. ولار ۇلتتىق بانكتىڭ بانك سەكتورىن ساۋىقتىرۋ جونىندەگى باعدارلاماسى ارقىلى, سونداي-اق بيزنەستى ۇزاق مەرزىمدى نەسيەلەندىرۋدى قامتاماسىز ەتۋگە جانە جەكە تۇلعالاردىڭ تولەم قابىلەتتىلىگىن قالپىنا كەلتىرۋ تۋرالى زاڭ جوباسىن ازىلەۋ مەن يپوتەكالىق زايمداردى قايتا قارجىلاندىرۋ باعدارلاماسىنا وزگەرىستەر مەن تولىقتىرۋلار ەنگىزۋگە باعىتتالعان شارالار ارقىلى قامتاماسىز ەتىلەدى. وسى باعىت اياسىندا احقو الاڭىن ۇلتتىق كومپانيالاردىڭ IPO اكتسيالارىن وتكىزۋگە دايىنداۋ جۇمىستارى جۇرگىزىەدى. 2018 جىلدان باستاپ «سامۇرىق-قازىنا» ۇاق اق-ىڭ جەكەلەگەن پورتفەلدى كومپانيالارىنىڭ اكتسيالارىن بىرتىندەپ كوپشىلىكە تاراتۋ جۇمىستارى باستالادى.
«ادامي كاپيتال – جاڭعىرۋ نەگىزى» جەتىنشى مىندەتى اياسىندا 32 ءىس-شارا قاراستىرىلعان. بارلىق دەڭگەيلەردە ءبىلىم بەرۋدىڭ وزىق جۇيەسىن قۇرۋ ماقساتىندا ءبىلىم بەرۋ ۇدەرىستەرىن جەتىلدىرۋگە, وقۋ باعدارلامالارىن جاڭارتۋعا, پەداگوگتىڭ بەدەلىن ارتتىرۋعا باعىتتالعان ءىس-شارالار قاراستىرىلعان. بۇدان وزگە, ءبىلىم جانە عىلىمنىڭ 2016-2019 جىلدارعا ارنالعان مەملەكەتتىك باعدارلاماسىنا تسيفرلىق تەحنولوگيالار مەن جوو عىلىمىن دامىتۋ تۇرعىسىنان وزگەرىستەر مەن تولىقتىرۋلار ەنگىزىلەدى.
دەنساۋلىق ساقتاۋ سالاسىندا اۋرۋلاردىڭ الدىن الۋ مەن ەمدەۋدى جاقسارتۋ ءۇشىن جاڭا تەحنولوگيالاردى قولدانۋعا باعىتتالعان ءىس-شارالار, ونىڭ ىشىندە ونكولوگيالىق اۋرۋلارعا قارسى كۇرەس بويىنشا كەشەندى جوسپاردى ازىرلەۋ ىسكە اسىرىلادى.
دەنساۋلىق ساقتاۋ جۇيەسىنىڭ تيىمدىلىگىن ارتتىرۋعا باعىتتالعان شارالاردى ىسكە اسىرۋ ءۇشىن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ جاڭا جوباسى ازىرلەنەدى.
ءوزىن-ءوزى جۇمىسپەن قامتىعان جانە جۇمىسسىز ازاماتتاردى قامتۋدى كەڭەيتۋ ماقساتىندا ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلامانىڭ جاڭا قۇرالدارى جۇزەگە اسىرىلادى. سونداي-اق, بەيرەسمي جۇمىسپەن قامتىلعان حالىقتىڭ قىزمەتىن فورماليزاتسيالاۋعا باعىتتالعان زاڭنامانى جەتىلدىرۋ, ەڭبەك كىتاپشالارى مەن ەڭبەك كەلىسىم-شارتتارىن ەلەكتروندى فورماتقا كوشىرۋدى قامتاماسىز ەتۋ, ەلەكتروندى ەڭبەك بيرجاسىن ىسكە قوسۋ, الەۋمەتتىك ساقتاندىرۋ جۇيەسىنەن تولەمدەردى جەتىلدىرۋ قاراستىرىلعان.
ء«تيىمدى مەملەكەتتىك باسقارۋ» سەگىزىنشى مىندەتى اياسىندا 10 ءىس-شارا قاراستىرىلعان. بيزنەستى قايتا رەتتەۋ ماقساتىندا بيزنەستى قولداۋ بويىنشا, ونىڭ ىشىندە جەرگىلىكتى دەڭگەيدە, جۇيەلى شارالاردىڭ جاڭا پاكەتىن ازىرلەۋ, سونداي-اق تسيفرلىق تەحنولوگيالاردى ەنگىزۋ, مەملەكەتتىك قىزمەت كورسەتۋدىڭ جانە مەملەكەتتىك قولداۋدىڭ ساپاسىن ارتتىرۋ قاراستىرىلعان.
«جەمقورلىقپەن كۇرەس جانە زاڭنىڭ ۇستەمدىگى» توعىزىنشى مىندەتى اياسىندا سوت جانە قۇقىق قورعاۋ جۇيەلەرىن ينستيتۋتسيونالدىق تۇرلەندىرۋگە باعىتتالعان 8 ءىس-شارا ىسكە اسىرىلادى.
«اقىلدى قالالار اقىلدى ۇلت ءۇشىن» ونىنشى مىندەتى اياسىندا «سمارت ءسيتيدىڭ» «ەتالوندى» ستاندارتىن قالىپتاستىرۋعا جانە ۇزدىك پراكتيكالاردى تاراتۋ جانە قازاقستان قالالارى اراسىندا تاجىريبە الماسۋ ارقىلى قالا ورتاسىن باسقارۋ ءۇشىن ونى ەنگىزۋگە باعىتتالعان 2 ءىس-شارا قاراستىرىلعان.
«جالپىۇلتتىق جوسپاردى ىسكە اسىرۋ تەحنولوگيالىق جانە ينفراقۇرىلىمدىق دامۋدىڭ جاڭا كەزەڭىنە سەرپىن بەرەدى, ول ءتورتىنشى ونەركاسىپتىك رەۆوليۋتسيا جاعدايىندا ەلدەردى دامىتۋعا نەگىز بولماق جانە حالىقتىڭ ءال-اۋقاتىن جاقسارتۋعا باعىتتالعان ءىس-شارالاردى ىسكە اسىرۋعا مۇمكىندىك بەرەدى», — دەپ تۇيىندەدى ت. سۇلەيمەنوۆ.
مينيسترلەر كابينەتىنىڭ مۇشەلەرى ۇسىنىلعان جوباعا ءبىراۋىزدان داۋىس بەردى.
ۇلتتىق ەكونوميكا مينيسترلىگىنە پرەمەر-ءمينيستردىڭ كەڭسەسىمەن بىرگە بەكىتىلگەن تارتىپتە سايكەس جارلىقتىڭ جوباسىن قر پرەزيدەنتى اكىمشىلىگىنە ۇسىنۋ تاپسىرىلدى.
