وبلىس اكىمى ماجىلىسكە قاتىسۋشىلاردى ايماقتىڭ الەۋمەتتىك-ەكونوميكالىق دامۋ كورسەتكىشتەرى تۋرالى حاباردار ەتتى.
2017 جىلدىڭ قورتىندىسى بويىنشا وندىرىلگەن ءونىم كولەمى 5,7 ترلن اقش دوللارىنا جەتتى. بۇل 2016 جىلمەن سالىستىرعاندا 20,8%-كە ارتىق. ءبىرىنشى جارتىجىلدىقتا وڭدەۋشى ونەركاسىپتەگى ەڭبەك ونىمدىلىگى 33,8 مىڭ اقش دوللارىن قۇرادى, 2016 جىلمەن سالىستىرعاندا 141,7 %-كە وسكەن.
2017 جىلى وڭىردە جالپى قۇنى 5 ملرد دوللاردىڭ 5 جوباسى ىسكە قوسىلدى.344 جاڭا جۇمىس ورنى قۇرىلدى.
ايماقتاعى باستى مىندەت – ونەركاسىپتىك رەۆوليۋتسيا اياسىندا يننوۆاتسيالىق تەحنولوگيالار تارتۋ. ەكسپورتتىق ءونىم شىعارۋدى قامتاماسىز ەتەتىن مەكەمەلەردى قايتا جاڭعىرتۋعا جانە تسيفرلاندىرۋعا باعىتتالعان جاڭا قۇرالداردى دايارلاۋ جانە تەستىلەۋ.ء وڭىردىڭ رەسۋرستىق الەۋەتىن دامىتۋ مىندەتتەرىنىڭ قاتارىندا. قاتتى تۇرمىستىق قالدىقتاردى جيناۋ مەن ساقتاۋعا قاتىستى ماسەلە دە شەشىلەدى. قازىر ون پوليگون قۇرىلىسىنىڭ جسق مەملەكەتتىك ساراپتامادان وتۋدە. قۇرىلىس 2019 جىلى باستالادى دەپ جوسپارلانعان.
وبلىس اكىمىنىڭ ءبىرىنشى ورىنباسارى س.لۇقپانوۆ پەن اتىراۋ قالاسىنىڭ, اۋدانداردىڭ اكىمدەرىنە ماسەلەلەردى باقىلاۋعا الۋ جۇكتەلدى. ولار: يندۋستريالاۋ كارتاسى اياسىنداعى جوبالاردى جۇزەگە اسىرۋ جانە تابيعات قورعاۋ شارالارىن ورىنداۋ.
ءۇشىنشى باعىت بويىنشا باستى مىندەت الداعى بەس جىلدا اوك ونىمدىلىگىن 2,5 ەسەگە كوبەيتۋ. بۇل بالىق ءونىمىن وڭدەۋ ساپاسىن ارتتىرۋ, تامشىلاتىپ سۋارۋ ادىسىمەن ەگىس الاڭىن كوبەيتۋ, اسىل تۇقىمدى مال شارۋاشىلىعىن دامىتۋ, اوك قولداۋ قۇرالدارىن قۇرۋمەن بايلانىستى بولماق.
ءتورتىنشى باعىت بويىنشا اكىم ورىنباسارى ج.سۇيىنشاليەۆكە, اتىراۋ قالاسى مەن اۋدانداردىڭ اكىمدەرىنە بيىل وبلىس اۋداندارىندا جول ينفراقۇرىلىمىن قۇرۋ جۇمىستارىن جالعاستىرۋ تاپسىرىلدى.
بەسىنشى باعىت بويىنشا اكىم ورىنباسارى ج.سۇيىنشاليەۆكە, اتىراۋ قالاسى مەن اۋدانداردىڭ اكىمدەرىنە تۇرعىنداردى ەنەرگيالىق تيىمدىلىگى جوعارى, ساپالى, تازا قۇرىلىس ماتەريالدارىمەن قامتۋدى ۇيىمداستىرۋ تاپسىرىلدى.
التىنشى باعىت بويىنشا وبلىس اكىمىنىڭ ورىنباسارى ا.اجىعاليەۆاعا, قالالار مەن اۋدان اكىمدەرىنە بانك پورتفەلدەرىن ساۋىقتىرۋ, يپوتەكالىق قارىزدارعا قاتىستى ماسەلەلەردى رەتتەۋ, بيزنەستى قولجەتىمدى مولشەرلەمەمەن ۇزاق مەرزىمدى نەسيەمەن قامتۋ باعىتتارىندا جۇمىستاردى جەتىلدىرۋدى باقىلاۋ تاپسىرىلدى.
جەتىنشى باعىت بويىنشا وبلىس اكىمىنىڭ ورىنباسارى ن.سايلاۋوۆاعا, قالا مەن اۋدان اكىمدەرىنە ورتا ءبىلىم بەرۋ سالاسىن جاڭعىرتۋ, وقۋ ورىندارىن تسيفرلاندىرۋ, اسىرەسە اۋىلدىق جەرلەرگە ءمان بەرۋ تاپسىرىلدى. مەديتسينادا زاماناۋي تەحنولوگيالاردى ەنگىزۋ, تيىمدىلىگىن كوتەرۋ, حالىقتى جۇمىسپەن قامتۋدى باقىلاۋدا ۇستاۋ دا نازاردا بولادى.
سەگىزىنشى باعىت بويىنشا وبلىس اكىمىنىڭ ورىنباسارى ا.اجىعاليەۆاعا مەملەكەتتىك باسقارۋ تيىمدىلىگىن ارتتىرۋ جۇمىستارىن جۇزەگە اسىرۋدى باقىلاۋ جۇكتەلدى. قىزمەتتەردى تسيفرلاندىرۋ, ۆەدومستۆالىق باعىنىشتى ۇيىمداردى جەكەشەلەندىرۋ قاداعالانادى.
وبلىس اكىمىنىڭ ورىنباسارى س.لۇقپانوۆعا, قالا, اۋدان اكىمدەرىنە تۋريستىك ينفراقۇرىلىمدى دامىتۋ, قىزمەت كورسەتۋ ساپاسى مەن قولجەتىمدىلىگىن ارتتىرۋ تاپسىرىلدى.
ن.نوعاەۆ توعىزىنشى باعىت بويىنشا ايماقتا ءبىراز جۇمىس ىستەلگەنىن اتاپ ايتتى. الەۋمەتتىك جەلىلەردە ارنالار ىسكە قوسىلدى, حالىقپەن كەرى بايلانىستى جولعا قويۋ ماقساتىندا جەكە قوسىمشالار دايىندالدى.
ونىنشى باعىت بويىنشا كوشەلەردى جارىقديوتتى جارىقتاندىرۋ جوباسى جۇزەگە اسىرىلۋدا. جولاۋشىلار كولىگى مەن قالالىق بەينەباقىلاۋ جۇيەسى سالالارىندا جوبالار قارالىپ جاتىر.
نۇرلان نوعاەۆ ءوز سوزىندە اتىراۋ وبلىسىندا مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا قويىلعان مىندەتتەردى جۇزەگە اسىرۋدىڭ ناقتى جوسپارى دايىلعانىن اتاپ ءوتتى.
