وڭتۇستىك قازاقستان وبلىسىنىڭ اكىمىنىڭ باستاماسىمەن قولعا الىنعان اشىق قوعامدىق قابىلداۋ شاراسى وڭىرىمىزدە جاڭاشا ۇيىمداستىرىلىپ وتىر. ونداعى ماقسات – قوردالانعان ماسەلەلەردى شەشۋ ءۇشىن بيلىك پەن بۇقارا اراسىنا اشىق ديالوگ ورناتۋ.
ء«تورت بىردەي قۇرىلىم وتكىزگەن شارا ءبىرىنشى كۇننەن-اق, ءوزىنىڭ تيىمدىلىگىن كورسەتە ءبىلدى. جيىندا اۋىل شارۋاشىلىعى ماسەلەلەرى مەن ساۋلەت جانە قالا قۇرىلىسى, جولاۋشىلار كولىگى جانە اۆتوموبيل جولدارىنا قاتىستى ءتۇرلى تۇيىتكىلدەر قارالدى. ساعات 11:00-دە باستالعان قوعامدىق قابىلداۋعا 58 ازامات ارىز-شاعىمدارىن الا كەلىپتى. تۇرعىنداردى كوبىندە جەر تەلىمى, ءۇي قۇجاتىن راسىمدەۋ, اۋىل شارۋاشىلىعى سالاسىنا قاتىستى جەڭىلدىكتەر مەن قارجىلاي قولداۋلار تولعاندىراتىنىن بايقاۋعا بولادى», - دەيدى «نۇر وتان» پارتياسى وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى بەرىك قۇلجانوۆ.
قوعامدىق قابىلداۋ شاراسىنا كەلگەن ازاماتتار كوتەرەتىن ماسەلەلەرىنە وراي توپتاستىرىلىپ, باسقارما باسشىلارىنا ارىز-شاعىمدارىن تىكەلەي بەتپە-بەت جەتكىزۋگە مۇمكىندىك جاسالعان. ولاردىڭ اراسىندا جەكە تۇيتكىلدىڭ ءتۇيىنىن ىزدەگەندەر دە از بولعان جوق. سولاردىڭ ءبىرى - سايرامدىق تۇرعىن گۇلجاۋحار مامبەتاليەۆا دا بار. مۇگەدەك بالانىڭ كۇتىمىندەگى انا مەملەكەتتەن بەرىلگەن باسپاناسىن جەكەشەلەندىرە الماي جۇرگەنىن ايتىپ, شاعىمداندى. ال, س. ساپارحانوۆ ءۇي قۇجاتتارىنىڭ 2007 جىلدان بەرى راسىمدەي الماعانىن العا تارتسا, ج. تۇرعانباەۆ جەكە ءۇيىنىڭ قىزىل سىزىققا ورنالاسقانىن وڭتايلى شەشىلمەي جاتقانىن جەتكىزدى. باسقارما باسشىلارى تۇرعىنداردى تىڭداي كەلە ولاردىڭ مۇقتاجدىقتارىن زاڭ اياسىندا قاراپ, وڭتايلى شەشۋگە ىقپال ەتەتىندىكتەرىن مالىمدەدى.
الداعى ۋاقىتتا قوعامدىق قابىلداۋ بولمەسى پارتيا عيماراتىنىڭ كىرىبەرىسىنە ءار باسقارماعا جەكە ۇستەل ورناتۋدى جوسپارلانۋدا. «نۇر وتان» پارتياسىنىڭ ۇيىمداستىرۋىمەن وتەتىن كەلەسى قوعامدىق قابىلداۋ 18 قاڭتارعا جوسپارلانىپ وتىر. تۇرعىندار ءبىلىم, مادەنيەت, ءدىن ىستەرى, ءتىل ماسەلەرىنە قاتىستى ارىزدانا الادى.
