ادام كاپيتالىن دامىتۋ جانە ۇلت الەۋەتىن ارتتىرۋ ءۇشىن ساپالى ءبىلىم مەن دەنساۋلىق ساقتاۋ عانا ەمەس, مادەنيەت جانە يدەولوگيا سالاسىن ودان ءارى دامىتۋ شارالارى دا بىرگە ءجۇرۋى ءتيىس. وسىعان بايلانىستى مەملەكەت پەن كونفەسسيالار اراسىنداعى قاتىناستاردى جەتىلدىرۋگە نازار اۋدارعىم كەلەدى. مادەنيەتتى دامىتۋ, تولەرانتتىلىق, بەيبىتشىلىك پەن كەلىسىم يدەولوگياسىن بەكەمدەۋدە دىندەر مەملەكەتكە كەدەرگى كەلتىرمەي, كومەكتەسكەنى ءجون. سوندىقتان ءدىن سالاسىنداعى كەز-كەلگەن بۇلدىرگىش ارەكەتتەن قورعاۋدى قامتاماسىز ەتۋ ءۇشىن جىل باسىندا ۇكىمەت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن پارلامەنتكە جولداعان بولاتىن. زاڭ جوباسى مەملەكەت پەن كونفەسسياارالىق قاتىناستار سالاسىنداعى زاڭنامانى جەتىلدىرۋگە كەشەندى جۇمىستاردى جۇزەگە اسىرۋدى كوزدەيدى.
قازىرگى كەزدە ءدىن حالىقتاردىڭ رۋحاني قۇندىلىقتارى مەن مادەني كودىن ساقتاۋعا جاردەمدەسۋدە ماڭىزدى ءرول اتقارادى. سونىمەن ءبىر ۋاقىتتا ادامنىڭ الدىڭعى قاتارداعى ءبىلىمدى مەڭگەرۋگە, ءوز حالقىنىڭ تاريحىن زەردەلەۋگە جانە مادەنيەتتى دامىتۋعا ۇمتىلىسىنا قارسىلىق بىلدىرمەيدى. پرەزيدەنت ن.ءا.نازارباەۆ ءوزىنىڭ جولداۋىندا ء«وزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس» دەگەن بولاتىن. سوندىقتان, ءبىلىمدى جانە وسى زاماننىڭ كوشىنە ىلەسكەن ءاربىر قازاقستاندىق بەلگىلەنگەن ساناتقا بارىنشا جاقىنداۋعا ءتيىس دەپ ويلايمىن.
سەرگەي ەرشوۆ,
پارلامەنت سەناتىنىڭ دەپۋتاتى
